(၁)
စိတ်ဆိုးနေတဲ့အခါ ကောင်းတဲ့စိတ်နဲ့လဲလိုက်ပါ၊
ရှုပ်နေရင် ရှင်းတဲ့စိတ်၊ ပူနေရင် အေးတဲ့စိတ်၊
နောက်နေရင် ကြည်တဲ့စိတ်နဲ့ ချက်ချင်း လဲလိုက်ပါ။
(၂)
ကောင်းတာကိုလုပ်ဖို့ လွယ်တယ်ဆိုရင်
ကောင်းတဲ့လူ ၊
မကောင်းတာကိုလုပ်ဖို့ လွယ်တယ်ဆိုရင်
???။
(၃)
သူများပေးစာ ကျွေးစာ တစ်ထောင်ဖိုး
စားရတာထက်
ကိုယ့်လုပ်စာ တစ်ကျပ်ဖိုးက
ပိုပြီးမြိန်တယ်။
(၄)
လေးစားထိုက်တဲ့သူရဲ့ စကားကိုမှ
နားထောင်ကြတာာ။
ကိုယ့်စကား နားထောင်စေချင်ရင်
လေးစားထိုက်အောင် နေပါ။
(၅)
တခြားပစ္စည်းတွေကို ရောင်းလိုက်ရင်
အရှုံးမဟုတ်ရင် အမြတ် ရသေးတယ်၊
စိတ်ချမ်းသာမှုကို ရောင်း စားရင်
အရှုံးပဲ ရင်ဆိုင်ရမယ်။
စိတ်ချမ်းသာမှုကို ဘာနဲ့မျှ
ရောင်းမစားပါနဲ့။
(၆)
ကောင်းတဲ့အလုပ်ဟာ
နောက်ကျတယ်ဆိုတာ
မရှိဘူး။
မစရသေးတာပဲ ရှိတယ်။
(၇)
စေတနာကောင်းကောင်းနဲ့
ပြည့်ပြည့်စုံစုံ ကျွေးလိုက်ရလို့
ဝမ်းသာတယ်ဆိုရင်
သူစားနိုင်သလောက် စားတာကိုလည်း
ကျေနပ်နိုင်ပါစေ။
(၈)
မမှားသောရှေ့နေ
မသေသော ဆေးသမား တဲ့
ဒီဖြေဆေးဟာ ဆေးယဉ်သွားရင်
ရောဂါကျွမ်းတတ်တယ်၊
မမှားတာ အကောင်းဆုံးပဲ။
(၉)
ဖြစ်ချင်တာကို ဦးစားပေးခဲ့လွန်းလို့
ဖြစ်နိုငတာတွေပါ ဆုံးရှုံးလိုက်ရပြီ၊
ဖြစ်နိုင်တာကိုသာ ဦးစားပေးရင်
ဖြစ်ချင်တာတွေပါ အားလုံးဖြစ်လာမယ်။
(၁၀)
လုပ်သင့်တာကို မလုပ်မိရင်
မလုပ်သင့်တာကို လုပ်မိနေတတ်တယ်။
ဓမ္မဒူတ အရှင်ဆေကိန္ဒ
No comments:
Post a Comment