တွေ့ဖူးသမျှထဲမှာ အကောင်းဆုံး recovery software

ဒီနေ့တော့ တကယ်အလုပ်ဖြစ်တဲ့ recovery software လေး တစ်ခု တင်ပေးလိုက်ပါတယ် ။ လွန်ခဲ့တဲ့သုံးရက်လောက်က ကျွန်တော့် Hard disk  format ကျသွားတယ်ဗျာ။ မြွေကိုက်တာ တကယ်ပဲ။ recovery software တွေ လိုက်ဒေါင်းပြီးသုံးတာ တစ်ခုမှအဆင်မပြေဘူး။ အရင်ဆော့ဝဲလ်တွေက တစ်ခုချင်းစီ အားသာတာ များတယ် အကုန်လုံးမရဘူးဖြစ်နေတယ်။ စိတ်လည်းတော်တော်ညစ်သွားတယ်။ သုံးရက်လုံးမအိပ်ပဲ ရှာထားတာ။ Google ကြီးကို ကျေးဇူးအရမ်းတင်တယ်။ ဘယ်လောက်ထိ ပြန်ရလဲဆိုရင် ကျွန်တော် rename ပေးခဲ့အတိုင်းဖိုင်တွေပြန်ရတယ်။  ဘယ်လိုပြောမလဲ က ကြီးကနေ အ  ထိ ကို ပြန်ရတာ။ ဒီလောက်ဆို သဘောပေါက်လောက်ပြီနော်။ ကိုယ်တွေ့ပါ။ တကယ့်ကို အဖိုးတန်တဲ့ software လေးပါ။ တခြားဆော့ဝဲတွေက မကောင်းဘူးမဟုတ်ဘူး ကောင်းတာတွေရှိပါတယ်။ အကုန်လုံးကို ရောထွေးပြီး ပြန်ရတာပါ။ ဒါလေးက မိမိဆောက်ထားခဲ့တဲ့ Folder လေးတွေအတိုင်း ပြန်ရတာ။ ကဲ နမူနာပုံလေးပြမယ်နော်။ အဲဒီအတိုင်းလေးကို ပြန်ရတာ။ မှတ်ချက်>> usb drive မှာ အလုပ်မလုပ်ပါ။ ကျွန်တော်စမ်းပြီးပါပြီ။

ကဲသိကြပြီဆိုရင် လက်မနှေးပဲ ဒေါင်းလော့ချထားလိုက်တော့နော်။ ပြီးတော့ တစ်ခုပြောချင်တယ်ဗျာ။ အရင်ကတော့ ပြန်ပြီး မျှဝေပေးပါလို့ မပြောဖူးခဲ့ပါဘူး ။ ဒီတစ်ခုလေးကိုတော့ ကိုယ်နဲ့ သိတဲ့ သူငယ်ချင်းတွေကို  မျှဝေပေးစေချင်ပါတယ်။ ဘာကီးမှ  မလိုဘူးနော်။ အော်မေ့လို့ ၊ ဒီဆော့ဝဲလ်လေးကို ဖိုင်ဖြေပြီးပြီဆိုရင် left click နှစ်ချက်နှိပ်ပြီး မရမ်းပါနဲ့။ FileRecovery program လေးပေါ်ကို right click ထောက်ပြီး  Run as Administrator ကို click ပေးပြီး run ပါ။ မသုံးတက်ဘူး အဆင်မပြေပါက C box မှာ ပြောခဲ့ပါ။

ကဲစကားတွေ ရှည်နေတယ်နော်....ဆောရီး......

ဒေါင်းလော့လင့် >>>> minus@

ဖိုင်ဆိုဒ်က 50 MB ရှိပါတယ်။ 

အဆင်ပြေကြပါစေ....

အားလုံးကိုလေးစားလျက်.....

youtube to mp 3 အလွယ်ကူဆုံးဆိုဒ်

Youtube ကနေ mp 3 ကို အွန်လိုင်းမှာ ပြောင်းချင်သူများအတွက် ပါ။  သိပြီးသားသူများအတွက်တော့  ဆောရီးပါနော်။  ကျွန်တော်ပေးထားတဲ့   အောက်ကလင့်လေး ကိုသွားလိုက်ပါ ။ အဲဒီမှာ မိမိပြောင်းချင်သော  youtube လင့် ကိုထည့်ပါ။ ပြီးရင် convert video  ဆိုတာလေးကို ကလစ်ပေးပါ။ ပြီးရင် youtube video အောက်နားလေးမှာ download လို့ပေးထားပါတယ်။ ဒေါင်းလော့ချလိုက်ပါ။ mp 3 အဖြစ် ပြောင်းပြီးဖြစ်ပါတယ်။

 ပြောင်းရန်ဆိုဒ်>>>http://www.youtube-mp3.org/

 

အဆင်ပြေကြပါစ..........

အားလုံးကိုလေးစားလျက်...

Stellar Phoenix data recovery software(2012)

ဒီတစ်ခါတော့  မိမိ ကွန်ပျူတာမှာ data တွေကို format ချလိုက်တာဖြစ်ဖြစ် ၊ delete လုပ်လိုက်တာပဲ ဖြစ်ဖြစ်  ဒီဆော့ဝဲလ်လေးက ပြန်ယူဖို့အကူအညီပေးပါလိမ့်မယ် ။ ကမ္ဘာ့ နံပါတစ်နေရာမှာရှိတဲ့ ဆော့ဝဲလ်လေးပါ။ ကီးပါ ရှာပြီး ထည့်ပေးထားပါတယ်။ တော်တော်လည်းကောင်းတယ်။ ကျွန်တော်ကိုယ်တိုင်သုံးပြီပါပြီ။  program တွေကစပြီး ပြန်ရှာပေးပါတယ်။ အသုံးဝင်မည့်သူများ အောက်မှာဒေါင်းလော့ချလိုက်ပါ။ 

ဒေါင်းရန်   minus@

အဆင်ပြကြပါစေ.....

အားလုံးကိုလေးစားလျက်....

ချာတူးလန် မြန်မာစစ်ကားများ

အရမ်းသဘောကျလို့ ပြန်ရှယ်လိုက်တာပါ။ ဖတ်ကြည့်စေချင်တယ်။ 

ခေါင်းစဉ်ကိုကြည့်ပြီး Military Vehicles များ ( FAW, Aerolus, Lanjian ) တွေကိုပြောတာထင်နေပါလိမ့်မယ်။ မဟုတ်ပါဘူး။ အဲ့ဒီ့ကားတွေက ချာတူးလန် အဆင့်ထက်တောင်ကျော်နေပါပြီ မဟာချာတူးလန်ဖြစ်နေပါပြီ။ အဲ ဒါပေမယ့် ကျွန်တော်ပြောမှာက War Action Movie တွေအကြောင်းပါ။

၂၀၀၀ ခုနှစ် ၀န်းကျင်က ရုံတင်ခဲ့ပြီး အော်စကာတလှေကြီး သိမ်းကြုံးယူသွားတဲ့ Saving Private Ryan ကိုရုပ်ရှင်ပရိသတ်တွေ မေ့နိုင်မယ်မထင်ပါဘူး။ မင်းသားကြီး Tom Hank ရဲ့ စစ်ခေါင်းဆောင်တယောက်ရဲ့စိတ်ခံစားချက် ပေါ်လွင်တဲ့မျက်နှာသွင်ပြင်၊ သွေးချင်းချင်းနီနေတဲ့ အဂ်လိပ်ရေလက်ကြား၊ Omaha Beach၊ အတုံးအရုံးကျဆုံးနေတဲ့ အမေရိကန် မရိန်းတပ်သားတွေ၊ ရက်စက်လှတဲ့ ဂျာမန်စက်သေနတ်ကြီးတို့ကို မြင်ယောင်မိမှာဖြစ်ပါတယ်။ အမေရိကန် မရိန်းတပ်သားများကို သနားကြသည်၊ လေးစားကြသည်၊ ရန်သူဂျာမန်တို့အပေါ် ရွံမုန်းကြသည်။ ရုပ်ရှင်ကောင်းတခု၏ ရသ သာမက လူတိုင်း၏စိတ်နှလုံးတွင် စူပါပါဝါ အမေရိကန်ကိုလေးစားမိကြသည်။

ပြန်တွေးကြည့်ပါ သမိုင်းမှာတကယ်ရော ဒီလိုတွေဖြစ်ခဲ့လား။ ၁၉၄၅ ဂျာမန်တို့ အရှုံးကြီးရှုံးနေချိန် အရှေ့ဘက်မှ ရုရှတို့တင့်ကားနှင့်လိုက်ကြိတ်သလို တလှိမ့်လှိမ့်တက်လာပြီး ဂျာမန်တို့၏ တပ်မဟာများ တခုပြီး တခုပြုတ်ပြုတ်ပြုန်းနေချိန်တွင် အနောက်ဘက် အင်္ဂလိပ်ရေလက်ကြားမှ အမေရိကန် နှင့် အဂ်လိပ်တပ်များ ကမ်းတက်တိုက်ပွဲဆင်နွှဲခဲ့သည်။ D-day တွင် Omaha, Utah နှင့် ဓါးကမ်းခြေများမှ ရေကြောင်းလက်နက်ကြီးပစ်ကူ အသာစီးအင်အားနှင့်ဝင်တိုက်တော့သည်။ ထိုကမ်းခြေများမှာ ဝေးလွန်းသဖြင့် ဂျာမန်ဗိုလ်ချုပ်များမှ ထင်မထားသောနေရာဖြစ်သည်။ စစ်အင်အားကြီး မဆိုထားဘိ ခုခံကာကွယ်ရန်လေယာဉ် ၂ စီးသာထားထားသည်။ စစ်သင်္ဘောများပစ်ခတ်မှုနှင့်ပင် မြေပြင်မှာမွစာကြဲနေပြီဖြစ်သည်။ အလွယ်တကူပင်တက်သိမ်းနိုင်လေသည်။ မကျဘူးတော့မဟုတ် စစ်ပွဲစဉ်တခုလုံး စစ်သည် ၃၀၀၀ ကျော်ကျသည်။ ဒါပေမယ့် အမေရိကန်တွေပဲတော့ မဟုတ်။ အင်္ဂလိပ်တပ်တွေလဲ ကျသည်။ သို့သော် ရုပ်ရှင်ထဲတွင် အင်္ဂလိပ်စစ်တပ်ကို မတွေ့ရ အားလုံးအမေရိကန်တွေပဲ ဖြစ်နေသည်။ ဂျာမန်တွေဘက်က ပိုဆိုးသည် ထိုတိုက်ပွဲများတွင်ပင် မဟာမိတ်တွေကျတာထက် ၂ဆမက ကျဆုံးသည်။ ရဲဘော်မပြောနှင့် ဗိုလ်ချုပ်ပင် ၃၀ ကျော်ကျသည်။ ဘန်ကာများထဲတွင် အရှင်လတ်လတ်မီးတိုက်ခံရသည်။ ဆုတ်ခွာရချိန်တွင် ရိက္ခာပြတ်ကာ လူသားပင်စားရသည်ဟူ၏။ ထားတော့ ပြောရင်း ပြောရင်း ဘာလင်သိမ်းတိုက်ပွဲအထိရောက်သွားတော့မည်။ ကျွန်တော်ပြောချင်တာက ဒီဇာတ်ကားနဲ့တင် အင်္ဂလိပ်တပ်များ ဒုတိယကမ္ဘာစစ်တုန်းက လုပ်ခဲ့တာတွေ သဲထဲရေသွန်ဖြစ်ရသည်။ ဗြိတိသျှရုပ်ရှင်ထုတ်လုပ်ရေးက ကန့်ကွက်သည်။ သို့သော် ဟောလိဝုဒ်က ရှင်းရှင်းပဲပြန်ပြောလိုက်သည် ငါတို့လိုရိုက်နိုင်လျှင်ရိုက် မရိုက်နိုင်လျှင် ပါးစပ်ပိတ်... ။ ရှင်းသည်။

ဒါတင်ပဲလား မဟုတ်ပါ။ အဂ်လိပ်စစ်တပ်က အမေရိကန်တို့ထက် အနာခံကာတိုက်ခဲ့သော စစ်ပွဲတွေ မနည်းပါ။ Operation Market Garden, အာလာမိန်းတိုက်ပွဲ၊ Dankisk တိုက်ပွဲ အစရှိသည်တို့မှာ ပျောက်ဆုံးနေ၏။ အင်္ဂလိပ်စစ်သားများစွာ ကျဆုံးခဲ့သည်။ နှောင်းခေတ်လူများက ဒါတွေမေ့သွားပြီ။ The Longest Day, Hamberger Hill နှင့် Band of Brother စသည် စသည် မရေမတွက်နိုင်အောင် အမေရိကန်တို့ ဟီးရိုးဖြစ်ခဲ့ကြသည်။ ထိုစစ်ကားများတွင် အင်္ဂလိပ်တပ်များမှာ ဂျစ်ကားတစ်စီးနှင့် ဆေးလိပ်သောက်နေသူများ အဖြစ်သာ ပါဝင်ခဲ့ရသည်။နောက်လူများဆိုလျှင် ဒုတိယကမ္ဘာစစ်ဆိုတာ အမေရိကန်နှင့် ၀င်ရိုးစွန်းနိုင်ငံများတိုက်ပွဲ ဟုတောင်ထင်ကြလိမ့်မည်။

အရှေ့ဘက် စစ်မျက်နှာတွင်လည်း ဂျပန်တို့ အရှုံးနှင့်ရင်ဆိုင်နေရချိန် အမေရိကန်တို့အောင်ပွဲခံနေချိန်တွင်မတော့ မှန်ပါသည်။ အမေရိကန် အထိနာခဲ့သည်။ ဂျပန်တို့၏ ခါမိကာဇီ စိတ်ဓါတ်ကို မယှဉ်နိုင်သောအခါ နောက်ဆုံးလက်နက်ထုတ်သုံးလိုက်သည်။ အနှူမြူဗုံး နှစ်လုံးကြဲချလိုက်သည်။ အေးရော။ ဂျပန်ပြည်သူများစွာသေကြေခဲ့ရသည်။ ယခုတိုင်ပင် Radiation ပြသာနာများစွာရင်ဆိုင်နေရသည်။ သို့သော် အမေရိကန် မီဒီယာများက အနှူမြူဗုံးကိုမေ့လိုက်သည်။ ဂျပန်ကို ဗီလိန်လုပ်ကာ ရိုက်ထားသော ဇာတ်ကားတွေ မနဲမနော။ Pearl Habour, Wind Talker, Bridge on river Kwai အစရှိသော နာမည်ကျော်ရုပ်ရှင်ပေါင်းစုံ ဖြင့်ဂျပန်တပ်တွေကို ဆိုးဝါးလွန်းသော စစ်ဘီလူးတွေလိုရိုက်ထားသည်။ အနှူမြူဗုံးကြဲလိုက်သည်ကပင် မှန်သလိုလို လုပ်လာသည်။

ကဲ အဖြစ်မှန်ကို ပြန်ကြည့်ရအောင် ။ ဒုတိယကမ္ဘာစစ်အတွင်း သေဆုံးသူများ (စစ်သား only) စာရင်းကိုကြည့်ပါ။

အမေရိကန်စစ်သား   လေးသိန်းခန့် (ရေတပ်အပါအ၀င်)

ဆိုဗီယက်စစ်သား     ရှစ်ဆယ့်ရှစ်သိန်း မှ တစ်ရာ့ခုနှစ်သိန်းကြား

ဂျပန်စစ်သား           နှစ်ဆယ့် ခုနှစ်သိန်းခန့်

တရုတ်စစ်သား        သိန်းသုံးဆယ်ခန့်

အင်္ဂလိပ်စစ်သား       သုံးသိန်းရှစ်သောင်းကျော်

ပြင်သစ်စစ်သား        နှစ်သိန်းခန့်

ဂျာမန်စစ်သား          ငါးဆယ့်ငါးသိန်းခန့် ဖြစ်ကြသည်။

ဒါဆို အမေရိကန်မဟုတ်တဲ့ တခြားနိုင်ငံက စစ်သားတွေကရော ဘာအတွက်သေကြရတာလဲ။ သူတို့ကကော စစ်မတိုက်ဘူးလား။ မေးစရာဖြစ်လာသည်။ မဟုတ်ပါဘူး တိုက်ခဲ့ပါတယ်။ အစာငတ်ရေငတ် ရိက္ခာပြတ်ရင်း တိုက်ခဲ့ အသက်စွန့်ခဲ့ရတာပါ။ ဒါပေမယ့် သူတို့ အသက်စွန့်ခဲ့တာကို ဖေါ်ပြမယ့်မီဒီယာ မရှိတဲ့အတွက် နောက်လူတွေက အမှုမဲ့ အမှတ်မဲ့တောင် ဖြစ်နေကြပါပြီ။                 

လမ်းလျှောက်ခြင်း၏ သက်ရောက်မှု

လမ်းလျှောက်ခြင်းကြောင့် ကျန်းမာရေးနဲ့ ပက်သက်ပြီးတော့ ရရှိတဲ့ အကျိုးကျေးဇူးကတော့ ပြောမကုန်အောင်များပြားပါတယ

်။ ခန္ဓာကိုယ်အင်္ဂါ အစိတ်အပိုင်းတွေရဲ့ Sensory touches တွေဟာ ခြေဖဝါးမှာ စုစည်းလို့နေ တယ်လို့ သိရပါတယ်။ 

ပုံမှာမြင်တွေ့ရတဲ့အတိုင်း ခြေဖဝါးရဲ့ မျက်နှာပြင်တစ်ခုလုံးမှာ ခန္ဓာကိုယ် အစိတ်အပိုင်းများ၏ ထိတွေ့မှုအာရုံများ ရှိနေပြီး ခြေဖဝါးနှိပ်နယ်ခြင်း(Foot message) လုပ်တာဟာ ခန္ဓာကိုယ်တစ်ခုလုံး နာကျင်ကိုက်ခဲမှုတွေကို ပြေပျောက်စေတဲ့ နည်းလမ်းတစ်ခုဖြစ်ပါတယ်။  အာရုံကြောတွေဟာ တစ်ခုခြင်းစီရဲ့အင်္ဂါအစိတ်အပ

ိုင်းအားလုံးကို ဆက်သွယ် ထားပါတယ်။ ဒါကြောင့်မို့ လမ်းလျှောက်ခြင်းဟာ ခန္ဓာကိုယ်အစိတ်အပိုင်း အားလုံးနဲ့ တိုက်ရိုက်ဆက်သွယ် အကျိုးပေးတယ်လို့ လေ့လာသိရှိနိုင်မှာ ဖြစ်ပါတယ်။ 

From: Facebook 

ဘယ်ဘက် ဦးနှောက်သန်သူ နှင့် ညာဘက် ဦးနှောက် သန်သူ

ဘယ်ဘက်အခြမ်း ဦးနှောက်သန်သူ

သိပ္ပံ ပညာရပ် စိတ်ဝင်စားသူ၊ သင်္ချာအတွက်အချက်ဝါသနာပါသူ၊ ခင်မင်ရင်းနှီးလွယ်သူ၊ တိကျပြတ်သားသူ၊ ဖြောင့်မတ်သူ၊ အသေးစိတ်တွက် ချက်သူ၊ ဗျူဟာဆန်ဆန်တွေးတတ်သူ၊ လက်တွေ့ကျမှုကို သဘောကျသူ၊ ဘာသာစကားနှင့် ဝေါဟာရများ လေ့လာရန် လွယ်ကူသူ၊ လက်တွေ့ကို သဘောကျသူ၊ အီကွေးရှင်းများ တွက်ချက်ဝါသနာပါသူ၊ ကိန်းဂဏန်းများနဲ့ ဆော့ကစားနေတတ်သူ၊ အမိန့်နာခံတတ်သူ၊ သဘာဝအတိုင်း ပုံသေနည်းစံစံ မှန်ကန်အောင် လုပ်တတ်သူ၊ ကိုယ့်ကိုယ်ကိုယ် မည်သူမည်ဝါ သေချာသိသူ။

ညာဘက်အခြမ်း ဦးနှောက်သန်သူ

အတွေးအမြင်သစ်များ စဉ်းစားလုပ်တတ်သူ၊ လွတ်လွပ်မှုကို သဘောကျသူ၊ သံယောဇဉ်ကြီးသူ၊ အကြောင်းအရင်းကို ဖော်ထုတ်ပြောဆိုတတ်သူ၊ စွန့်စားလိုစိတ်ရှိသူ၊ ရယ်မောလောင်ပြောင်တတ်သူ၊ အနုပညာဆန်ဆန် ခံစားတတ်သူ၊ သီချင်းများ ခရေဇီဖြစ်သူ၊ ဗလာမျက်နှာပြင် ကို ဆေးရောင်ခြယ်ပေးတတ်သူ၊ စိတ်ကူ ယဉ်လွန်းသူ၊ ပန်းချီဆရာ၊ ကဗျာဆရာ၊ တွေးခေါ်ပညာရှင်၊ ကိုယ့်ကိုယ်ကိုယ် ကျေနပ်နေတတ်သူ။ 

ညာဘက်အခြမ်း ဦးနှောက်နဲ့ ဘယ်ဘက်အခြမ်း ဦးနှောက်တို့ရဲ့ လုပ်ဆောင်ချက်များ ဖြစ်ပါတယ်။
--
Ref:Medicalfact

အားလုံးကိုလေးစားလျက်.....

Desktop အတုလုပ်မယ်

ဒီနေ့တော့ လက်တည့်စမ်းရင်း တစ်ခုတွေ့သွားလို့ပါ။ ဘာမှတော့မဟုတ်ပါဘူး။  မိမိ Desktop ကို အတုအယောင်ထားတဲ့နည်းလေးပါ။ မသိသေးသောသူများအတွက်ပါ။  သူက တကယ်တမ်းကျတော့  icon တွေကို ဖျောက်ထားတဲ့နည်းလေးပါ။ သူငယ်ချင်းတွေ ကိုစလို့ရတာပေါ့။ Desktop ပေါ်က icon တွေကို မြင်ရရဲ့သားနဲ့ ဖွင့်လို့လည်း မရ၊ ရွှေ့လို့လည်းမ ရ ဖြစ်နေအောင်ပေါ့။ လုပ်နည်းလေးက ဒီလိုလေးပါ။ 

အရင်ဆုံး mouse pointer ကို Desktop ကနေပျောက်အောင် တစ်နေရာရာကို ကပ်ထားလိုက်ပါ။ ပြီးရင် keyboard ကနေ Print Screen SysRq ဆိုတဲ့ ကီးလေးကို နှိပ်ပါ။ ပြီးရင် paint ကိုဖွင့်ပါ။ မဖွင့်တက်ဘူးဆိုရင် start ကိုကလစ်ပေးပြီး Search box မှာ paint လို့ရိုက်ထည့်ပါ။ paint box ပေါ်လာပြီဆိုရင် ညာဘက်ထောင့်လေးမှာ paste ဆိုတာရှိတယ် ကလစ်ပေးလိုက်ပါ။ ပြီးရင် save as ကနေ တစ်နေရာရာမှာ save ထားပါ။ ပြီးရင် အဲဒီပုံလေးပေါ်ကို right click ထောက်ပါ။ set as desktop background ဆိုတာကိုကလစ်ပေးပါ။ ရပြီဆိုရင် Desktop ပေါ်ကို right click ထောက်ပါ။ view ကိုသွားပါ။ အဲဒီမှာ Show desktop icons ကို အမှန်ခြစ်ဖြုတ်ပါ။

နောက်ထပ်က Taskbar ပေါ်ကို  right click ထောက်ပါ။ ပြီးရင် Properties ကိုသွားပါ။ Auto-hide the taskbar ကို အမှန်ခြစ်လေးထည့်ပေးပါ။ Apply and ok ပေးပါ။ဒါဆို ပြီးပါပြီ။ 

ကဲမရှင်းဘူးဆိုရင် ဗွီဒီယိုလေးနဲ့ပြထားတယ်ဗျာ..

အဆင်ပြေပါစေ........

အားလုံးကိုလေးစားလျက်.....

ကြို့ထိုးခြင်းနှင့် သိပ္ပံနည်းကျကုထုံး

နှာစေးချောင်းဆိုးရောဂါကဲ့သို့ လူတိုင်းလိုလို ဖြစ်ပွားတတ်သော ရောဂါတစ်မျိုးရှိသည်။ သာမန်အား ဖြင့် ခဏတစ်ဖြုတ်နှင့် ပျောက်သွား တတ်သောကြောင့် ရောဂါဟုပင် သတ်မှတ်လေ့မရှိကြပါ။ သို့သော် ရက်ရှည်လများ ခံစားနေရသော သူများအတွက်တော့မူ ခံရခက်သော ရောဂါဝေဒနာတစ်မျိုး ဖြစ်တော့၏။ ကြို့ထိုးခြင်းဆိုသည်မှာ ဝမ်းဗိုက် အတွင်းရှိ ဒိုင်ယာဖရမ်ခေါ်ကြွက်သား လှုပ်ရှားရာမှ ဖြစ်ပေါ်လာခြင်း ဖြစ် သည်ဟု အကြမ်းဖျင်းကြားဖူးထားပါ သည်။

ယင်းဒိုင်ယာဖရမ်ကြွက်သား သည် ပုံမှန်အားဖြင့် လှုပ်ရှားလေ့ မရှိဘဲ အကြောင်းတစ်ခုခု တိုက်ဆိုင် လာသောအခါ လှုပ်ရှားလာသဖြင့် ကြို့ထိုးခြင်းဟူသော ဝေဒနာ ဖြစ်ပေါ် လာရခြင်း ဖြစ်သည်။ ကြို့ထိုးခြင်းနှင့် ပတ်သက်၍ ဆေးနည်းတိုပေါင်းမြောက်မြားစွာ တင်ပြရေး သားကြ သည်။ ကြို့ထိုးလျှင် ရေသောက်ရမည်ကို လူတိုင်းသိကြ သည်၊ ကြို့ထိုးသူတိုင်းအားလည်း ရေသောက်ခိုင်းကြသည်။

ရေသောက် ပြီး ပျောက်သွားတာလည်း ရှိပါသည်။ မပျောက်မချင်း ရေသောက်ကြသဖြင့် ဝမ်းဗိုက်ကယ်သွားပြီး ထမင်းစားပျက် ရ၏။ နောက်ဆုံးဖတ်လိုက်ရသော မဂ္ဂဇင်းတစ်အုပ် တွင်သောက်ရေဖန်ခွက် အတွင်း ရေထည့်၊ ကြေးပြားတစ်ခု ထည့်ပြီးသောက်ရန် နည်း တစ်ခု ပေး ထားပါသည်။ ကျွန်တော်တင်ပြချင်သည်မှာ လည်း ရေသောက်နည်းပင် ဖြစ်ပါ သည်။ ဤနည်းမှာ နက္ခတ္တ ရောင်ခြည်မဂ္ဂဇင်းထဲမှ ဖတ်ရှုခဲ့ရသော နည်းပင် ဖြစ်ပါသည်။

ကြို့ထိုးသူ၏ နားရွက်နှစ်ဖက်အား အခြားသူတစ်ဦး က တင်းကျပ်စွာ လေလုံအောင် ပိတ် စေပြီး ကြို့ထိုးသူကို အသက်အောင့်ပြီး ရေသောက်စေသောနည်းပင်ဖြစ်သည်။ မိမိကြို့ထိုးနေစဉ် အနား၌ နားရွက် ပိတ်ပေးမည့်သူမရှိပါက မိမိခံတွင်း၌ ရေကို ဆံ့သရွေ့ ငုံထားပြီး မိမိဘာ သာ နားရွက်ကို လေလုံအောင် ပိတ် ပြီး အသက်အောင့်၍ ရေကို မျိုချပါ။ ရေတစ်ငုံစာနှင့်ပင် ကြို့ထိုး လက်တွေ့ ပျောက်ခဲ့ရပါသည်။ ဤနည်းသည် သိပ္ပံနည်းကျ လက်တွေ့ဆန်သော နည်းဖြစ်သည် ဟု စဉ်းစားမိပါသည်။ အသက်ရှူ အောင့်ထားခြင်းအားဖြင့် အဆုတ်တွင်း ၌ လေများဖြင့် တင်းခံထားစဉ် နား ရွက်ကို ပိတ်ထားခြင်းဖြင့် နားရွက်မှ လေမထွက်နိုင်၊ ထိုအချိန်တွင် အသက် အောင့်၍ ရေကို မျိုချလိုက်သောအခါ ဝမ်းဗိုက်အတွင်းရှိ ဒိုင်ယာဖရမ်ခေါ် ကြွက်သားပြင်အားအောက်သို့ တွန်းချ လိုက်သကဲ့သို့ ဖြစ်သွားသည်။

ဒိုင်ယာ ဖရမ်ကြွက်သားပြင်သည် အထက်သို့ ဆောင့်ဆောင့်တက်ခြင်းအားဖြင့် ကြို့ ထိုးနေရာမှ အောက်သို့ ဖိအားပြင်း စွာဖြင့် တွန်းချခြင်းခံလိုက်ရသောအခါ အပေါ်သို့ ဆောင့်ဆောင့်တက်သော အကျင့်ပျောက်သွားပြီး ကြို့ထိုးခြင်း ဝေဒနာလည်း ပျောက်ကင်းသွားရ လေသည်။ ရေတစ်ငုံမျိုချပြီး မပျောက်ကင်း ပါက ဒုတိယတစ်ငုံထပ်ပြီး အထက်ပါ နည်းအတိုင်း မျိုချပါ။ ရေတစ်ဖန်ခွက် မကုန်မီမှာပင် လက်တွေ့ပျောက်ကင်း မည် ဖြစ်ပါသည်။ လုပ်ကိုင်ရတာ လွယ်ကူ၊ ပစ္စည်း ရှာရတာမခက်ခဲ၊ အမှားအယွင်း အ္တ ရာယ်မရှိနိုင်သော သိပ္ပံနည်းကျ လက် တွေ့နည်းမို့ ကြို့ထိုးနေသောသူများ လက်တွေ့စမ်းသပ်ကြည့်ရန် ရေးသား တင်ဆက်လိုက်ရပါသည်။

Ref:Health Digest

ဖိုင်ဆိုဒ် ကြီးကြီး မေးလ် ပို့မယ်

ဒီတစ်ခါတော့ ဖိုင်ဆိုဒ် ကြီးကြီး  သူငယ်ချင်းတွေဆီကို ပို့ပေးချင်သူများအတွက်ပါ။ အများဆုံး 3 G ထိပို့လို့  ရပါတယ်။ ပို့နည်းကလွယ်ပါတယ်။ တကယ်လည်းရောက်ပါတယ်။ ကျွန်တော်တို့ gmail ကနေ ရိုးရိုးပို့မယ်ဆိုရင် 25 MB ထက်ကျော်ပြီးပို့လို့မရပါဘူး။ ဥပမာ 200 MB လောက်ပဲပို့ချင်တယ်ထားပေါ့ ။ gmail ကနေပို့မယ်ဆိုရင်ဘယ်လိုမှအဆင်မပြေနိုင်ဘူးလေ။ အဲဒီတော့ ဒီဆိုဒ်လေးက တော်တော်ကောင်းပါတယ်။ မြန်မာနိုင်ငံကသူငယ်ချင်းတွေအတွက်တော့  နည်းနည်းတော့ကြာတယ်ဗျာ။ upload တင်ရတာပဲဆိုတော့ ကွန်ကောင်းတော့ ပိုမြန်တာပေ့ါ။ အသုံးပြုပုံက လွယ်လွယ်လေးပါ။ ကျွန်တော်ပုံလေးနဲ့ပြပေးပါ့မယ်။ 

အဆင့်(၁)

အပေါ်ကပေးထားတဲ့အတိုင်းဖြည့်ပါ။ mhuthaw@ က ပို့သူပေါ့။ nothateme@ က လက်ခံမယ့် သူပေါ့။ အဲဒါဖြည့်ပြီးပြီဆိုရင် upload files ကို ကလစ်ပေးလိုက်ပါ။ 

အဆင့်(၂)

အဲဒီမှာ Browse လေးတွေကနေ မိမိတို့ပို့ချင်သော ဖိုင်ကို uplaod တင်ပါ။ကျွန်တော်က တစ်ခုပဲတင်ပြထားတာပါ။ ရွေးပြီးပြီဆိုရင် အောက်နားလေးက upload selected file(s) ကိုကလစ်ပေးပါ။ 

အဆင့်(၃)

အဲဒီတိုင်းပေါ်လာပါလိမ့်မယ်။ 100% ပြီးသွားရင် အော်တိုပို့ပြီးသွားပါပြီ။ (ဒီနည်းက မိမိမှာ gmail အကောင့်မရှိလည်း ပို့လို့ရပါတယ်။ ပို့ခံရမယ့်သူ gmail သာ အဓိက ဖြစ်ပါတယ် )

အဆင့်(၄)လက်ခံမယ့်သူအပိုင်း

လက်ခံမယ့်သူက မေးလ်ကိုဖွင့်လိုက်ပါ။ အပေါ်ကလိုလေး တွေ့ပါလိမ့်မယ်။ အပြာရောင်လေးထောင့်လေးက ဒေါင်းလော့လင့်ပါ ။ကလစ်ပေးပါ။ ပြီးရင် အနီရောင် လေးထောင်လေးကို copy လုပ်ပါ။ အဲဒီနံပါတ်က password ဖြစ်ပါတယ် ။ 

အဆင့်(၅)

အဆင့်(၄) ကပြောခဲ့တဲ့ အနီရောင်လေးထောင့်လေးထဲက ဂဏန်းလေးတွေကို paste or write လုပ်ပါ။ ပြီးရင် submit ကိုကလစ်ပေးပါ။ 

အဆင့်(၆)

အဲဒီလိုလေး ပေါ်လာရင် double click ပေးပြီး ဒေါင်းလော့ချလို့ ရပါပြီ။

ကဲ အသုံးလိုမည့်သူများ  ဒီမှာ သွားလိုက်ပါ။ 

အဆင်ပြေကြပါစေ........

အားလုံးကိုလေးစားလျက်.......

အာဇာနည်နေ့ သမိုင်းကြောင်း အစုံ

ကျွန်တော် ဒီအကြောင်းအရာလေးကို မျှဝေဖို့ ရှာနေတာ တော်တော်ကြာပါပြီ။ ဘယ်သူမှလည်း မတင်ကြဘူး။ တင်တော့ တင်ကြပါတယ်။ သတင်းစာကို ဓာတ်ပုံရိုက်ပြီး တင်ကြတယ်။ အဲလိုကျတော့ ဖတ်ရတဲ့သူအတွက် အဆင်မပြေဘူးလို့ထင်ပါတယ်။ ဒါကြောင့် အဲဒီသတင်းစာ ဓာတ်ပုံထဲက အကြောင်းအရာတွေကို ပြန်လည်ရိုက်ချပြီး ဖော်ပြလိုက်ပါတယ်။ မသိသေးသောသူများအတွက်ပါ။ Google မှာ ရှာကြည့်ပါတယ် ။ အာဇာနည်နေ့ဆိုပြီးတော့ပေ့ါ။ ထွက်တော့လာပါတယ်။ အခမ်းအနားလုပ်တဲ့ အကြောင်းအရာတွေချည်းပဲ။ ကျွန်တော်လိုချင်တာက အဲဒီနေ့ကအဖြစ်အပျက်ကိုလိုိချင်တာပေါ့။ ၁၉ ရက်နေ့အမှီတင်မလို့ပါပဲ ။ ဒါပေ့မယ့် မမှီတော့ဘူး။ ဒီနေ့ညနေပိုင်းလောက်မှတွေ့လို့ အတင်း စာရိုက်ပြီး တင်လိုက်ရပါတယ်။ ကူညီစာရိုက်ပေးသော သူငယ်ချင်း မင်းဟိန်း နဲ့ ညီလေး ၀င်းထက်ကို ကျေးဇူးတင်ပါတယ်။

၁၉၄၇ ခုနှစ် ဇူလိုင်လ ၁၉ ရက်နေ့ စနေနေ့ နံနက် ၁၀ နာရီ ၃၇ မိနစ်တွင် အတွင်းဝန်များရုံးမှာ တိုင်းပြည်ကျွန်ဘ၀က လုံးဝ လွတ်မြောက်ရေးနဲ့  စစ်ပြီးခေတ် မြန်မာနိုင်ငံ ပြန်လည်ထူထောင်ရေး အတွက် အစည်းအဝေး ထိုင်နေကြတဲ့ အမျိုးသား ခေါင်းဆောင် ဗိုလ်ချုပ် အောင်ဆန်း ဦးဆောင်တဲ့ ဖဆပလ ကြားဖြတ်အစိုးရ ၀န်ကြီးတွေ လုပ်ကြံခံရတဲ့ နိုင်ငံတော် လုပ်ကြံမှုကြီး ဖြစ်ပွားခဲ့တယ်။

အဲဒီနေ့က ရန်ကုန်မြို့ရဲ့ ရာသီဥတုဟာ “မိုးလင်း ကတည်းကပင် ကောင်းကင်သည် အုံ့မှိုင်းညိုမှိုင်းလျက်ရှိသည် ။ တိမ်တိုက်ဟူ၍ ဘာမျှ ကြည်လင်စွာ မမြင်ရ။  မိုးကို ကြည့်ရသည်မှာ မြူသန်းနေသော ပင်လယ်ပြင်ကြီး လို ၀ိုးဝိုးဝါးဝါး နေသည်။ မိုးသည် ကင်းကင်းလွတ်လွတ် စဲသည်ဟူ၍မရှိဘဲ တဖွဲဖွဲ နေလိုက်၊  တဖြိုင်ဖြိုင် ရွာချလိုက်နှင့်၊ နောက်စွေ၍ နေလေသည်” လို့ဆရာ ဒဂုန်တာရာက ရေးသား မှတ်တမ်းတင်ခဲ့တယ်။

နံနက် ၁၀ နာရီ ခန့်မှာ တာဝါလိမ်း နေအိမ်ကနေ အတွင်းဝန်များရုံးမှာ ပြုလုပ်မဲ့ ၀န်ကြီးများ အစည်းအဝေး ကိုတက်ရန် ဗိုလ်ချုပ်အောင်ဆန်းဟာ သူရဲ့ အပါးတော်မြဲ(ပီအေ) ဗိုလ်ထွန်းလှနဲ့ အတူ ကားနက်ကလေး အာရ်အေ/၂၈၇၄ နဲ့ ထွက်လာခဲ့တယ်။ ၁၀ နာရီ  ၁၀ မိနစ်လောက်မှာ အတွင်းဝန်များရုံးရဲ့ အလယ် ဗဟို လှေကားခြေရင်းကို ဗိုလ်ချုပ်ကားဆိုက်လာပြီး အစည်းအဝေးလုပ်မဲ့ အပေါ်ထပ် သူ့ရုံးခန်းကို အပါးတော်မြဲ ဗိုလ်ထွန်းလှနဲ့အတူ တက်လာတယ်။  အဲဒီနေ့ကျမှ ဗိုလ်ချုပ်ဟာ ခါတိုင်းလို ယူနီဖောင်းဝတ်နဲ့ မဟုတ်ဘဲ ရွှေဖလားရောင် ဗန်ကောင်လုံချည်၊ သနပ်ခါးရောင် မန္တလေး ပိုးတိုက်ပုံနှင့် အဖြူရောင် သဲကြိုး တပ်ထားတဲ့ လေယာဉ်ပျံဖိနပ် စတာတွေနဲ့ မြန်မာဆန်ဆန် ၀တ်စားဆင်ယင်ထားတာကို ထူးထူးခြားခြား တွေ့ရလို့၊ “ ဗိုလ်ချုပ်က ဒီလိုတော့ အချောကြီးပဲ “ ဟု ဦးဘဂျမ်းက လှမ်းနောက်လိုက်တယ်။

Gtalk မှာ ကိုယ့်အသံ တဖက်လူမကြားဖူးဆိုရင်

တစ်ချို့ဖြစ်ဖူးကြမယ်ထင်ပါတယ်။ Gtalk မှာ သူ့ဘက်အသံကြားရပြီး ကိုယ်ပြောတာကို သူမကြားရဘူးဆိုတာပေါ့။ အဲဒါက  earphone  error လည်းဖြစ်နိုင်တာပဲပေ့ါ။  

ကဲ ပထမစစ်ကြည့်သင့်တာက Gtalk က settings ကိုသွားပါ။ ပြီးရင် Audio ဆိုတာကို ထပ်သွားပါ။  အဲဒီမှာ Input-microphone or headset ဆိုတာကို စစ်ပါ။ အဲဒီအောက်နားလေးမှာ Automatically adjust microphone sensitivity ဆိုတာအမှန်ခြစ် ပေးထား မထားစစ်ပါ။ ပေးမထားရင်အသံမလာပါဘူး။ အမှန်ခြစ်ထည့်ပေးပါ။ အဲဒါကို အမှန်ခြစ် မခြစ်ချင်ဘူးဆိုရင် အဲဒီအပေါ်ကကောင်လေးကို Default Device  မထားပဲ Microphone ကိုချိန်းပေးပါ။ 

ဒုတိယက မိမိ Microphone က အသံဝင်လမ်းကြောင်း ပန်းရောင် ထိုးထားတဲ့နေရာကိုသေချာ တပ်မတပ်ကြည့်ပါ။ အဲဒီပန်းရောင် လေးက မိမိအသံကို မိုက်ကနေတစ်ဆင့်ဝင်တာဖြစ်ပါတယ်။ အစိမ်းရောင်လေးက အသံကိုကြားရတာပါ။  သုံးတာကြာပြီဆိုရင် အဲဒီကောင်လေးက အလုပ်မလုပ်တာတွေ့ရပါတယ်။ ဖြုတ်လိုက်တပ်လိုက်ဆိုတော့ အထဲက ၀ါယာသေးသေးလေးတွေ ဖြတ်တောက်သွားတာဖြစ်ပါတယ်။ ဒါဆိုရင်တစ်ဖက်ကလူမိမိအသံကိုမကြားနိုင်တော့ပါဘူး။ earphone လှဲမှပဲရပါတော့မယ်။

တတိယက Desktop  ရဲ့ အောက်ဘက် ဘယ်ဘက်ထောင့်မှာရှိတဲ့  speaker လေးကို right click ပေးပါ။ အဲဒီမှာ Playback ဖြစ်ဖြစ် Recording ဖြစ်ဖြစ် တစ်ခုခုကို ကလစ်ပေးလိုက်ပါ။ ဒါဆိုရင် Sound အတွက် setting box ကျလာပါလိမ့်မယ်။ အဲဒီကနေမှ Recording ဆိုတဲ့ buttom လေးကိုရွေးပါ။ အဲဒီမှာ မိုက်ပုံလေးတွေတွေ့ပါလိမ့်မယ်။ မိမိ လက်ရှိအသုံးပြုနေတဲ့ မိုက်ပုံစံလေးက အမှန်ခြစ်လေးနဲ့တွေ့ပါလိမ့်မယ်။ တွေ့ပြီဆိုရင် right click ထောက်ပါ။ properties ကိုသွားပါ။ အဲဒိမှာ နောက်ထပ် Levels ဆိုတာကိုထပ်သွားပါ။ Mic in at rear panel (Pink ) ဆိုတဲ့နေရာမှာ 0(သုည)ဖြစ်နေပြီဆိုရင် မိမိပြောတဲ့အသံကို မကြားနိုင်ပါဘူး။ 100 ထိတိုးပေးပါ။ ပြီးရင် အိုကေပေးပါ။ ဒါဆိုရင်အသံလာပါပြီ။ ကဲအောက်မှာပုံလေးနဲ့ ပြထားတယ်နော်။

Firefox 14.0 beta မှာ မြန်မာဖောင့် အပြည့် အ၀ ပေါ်အောင်

ဒီတစ်ခါ Firefox 14.0 beta သုံးတဲ့သူများအတွက် မြန်မာလိုအပြည့်အ၀ပေါ်အောင်လုပ်နည်းလေးပါ။ ရိုးရိုး Firefox က နောက်ဆုံး ဗားရှင်း 13.0 ပဲရှိပါသေးတယ် ။ Firefox beta က 14.0 ပါ။ အဲဒီကောင်လေးသုံးတဲ့သူများ သတိထားမိမယ်ထင်ပါတယ်။ ခေါင်းစဉ်တွေမှာ ဆိုရင်အတုံးအတုံးတွေပေါ်နေတာ ဖြစ်နေပါတယ်။ မသိသေးသောသူများအတွက်ပါ။ ကျွန်တော်လည်း စသုံးတုန်းက ဘာလုပ်ရမှန်းမသိဘူး။ လျှောက်ကလိကြည့်လိုက်မှ တွေ့တယ်။ အရင်ဆုံး မိမိ Firefox ကဘယ်လောက်ဗားရှင်းဆိုတာသိဖို့ Firefox ရဲ့ အပေါ်ဘားတန်းက Help ကို ကလစ်ပေးပါ။ ပြီးရင်  About Firefox ဆိုတာကိုကလစ်ပေးလိုက်ပါ။ ဒါဆိုရင် မိမိ Firefox က version ဘယ်လောက်ဆိုတာ သိမှာဖြစ်ပါတယ်။  ကဲသိပြီဆိုရင်Firefox 14.0 beta  ဆိုပါစို့။ Tools ကနေ Options ကိုသွားပါ။ Content ဆိုတဲ့ buttom လေးကို ကလစ်ပေးပါ။ Default font မှာ zawgyi one ဆိုတာတွေ့ပါလိမ့်မယ်။ အဲဒီရဲ့ဘေးမှာ Advanced ဆိုတာထပ်တွေ့ပါလိမ့်မယ်။ ကလစ်ပေးလိုက်ပါ။ အောက်ကပုံလေးအတိုင်း ဖြစ်အောင်ပြောင်းလိုက်ပါ။ ပြီးရင် အိုကေ ပေးလိုက်ပါ။ ပြီးပါပြီ။ 

အဆင်ပြေပါစေ....

အားလုံးကိုလေးစားလျက်....

နောက်ကြည့်မှန် (ကိုမင်းကိုနိုင်)

စိုးသူ နိုင်ငံရေးလုပ်ဖူးနော်..။ မြန်မာနိုင်ငံမှာ နာမည်ကြီးစာအုပ်ဖြစ်လို့ အွန်လိုင်းမှာ ဖတ်ချင်တဲ့သူများ အဆင်ပြေအောင် တင်ပေးလိုက်တာပါ။  ဖေ့ဘွတ်မှာ အကိုတစ်ယောက်တင်ထားတာတွေ့လို့ ပြန်ရှယ်  လိုက်ပါတယ်။ ထုတ်ဝေခဲ့သည့် ကိုမင်းကိုနိုင်၏ နောက်ကြည့်မှန်လုံးချင်းဝတ္တုစာအုပ်ကို ရုပ်ရှင်ဇာတ်ကားကြီး ရိုက်ကူးရန် အမြင့်ဆုံးအနုပညာကြေးပေး၍ ဒါရိုက်တာ ၀င်းထွန်းထွန်းက ၀ယ်ယူထားကြောင်းသိရသည်။ မင်းကိုနိုင်ကို ဂုဏ်ပြုသောအားဖြင့် ကဗျာဆရာ ၊ ဇာတ်ညွှန်းရေးဆရာ အကယ်ဒမီမြင့်ဦးဦးမြင့်၏ ဆောင်ရွက်ပေးမှုဖြင့် ၀ယ်ယူခဲ့ခြင်းဖြစ်ပြီး အဆိုပါ ၀တ္တုအား ဒါရိုက်တာချိုတူးဇော်ကို လက်ဆောင်ပေး၍ ရိုက်ကူးစေမည်ဖြစ်ကြောင်း သိရသည်။

ဒေါင်းလော့လုပ်ဖို့ရယ်၊ အွန်လိုင်းမှာ ဖတ်ဖို့ရယ် နှစ်ခုတင်ပေးထားပါတယ်နော်။ 

ဒေါင်းလော့လင့် >> Minus 

အွန်လိုင်းမှာ ဖတ်ရန်လင့်>>Mediafire  

အားလုံးကိုလေးစားလျက်.......

Screen Recorder

ဒီတစ်ခါ  ကျွန်တော် ကွန်ပျူတာ Screen ကို ဗွီဒီယို record လုပ်ပေးတဲ့ ဆော့ဝဲလ်လေး တင်ပေးလိုက်ပါတယ်။ အရင်ကလည်း တစ်ခု တင်ပေးဖူးပါတယ်။ ဒီကောင်လေးက ပိုကောင်းတယ် ဗျာ။ ဘယ်လိုကောင်းလဲဆိုရင် အရင်ကတင်ပေးထားတာက screen အပြည့် ဆော့တဲ့ ဂိမ်းတွေမှာဆိုရင် အလုပ်မလုပ်ဘူးဗျ ။ အခုဒီကောင်လေးက  Full screen အပြည့်ဆော့တဲ့ဂိမ်းတွေကိုပါ record လုပ်ပေးတယ်။ ဥပမာ - Warcraft တို့   crossfire စတဲ့ ဂိမ်းတွေက screen အပြည့် နေရာယူတယ်။ ဗျာ အရင်တင်ပေးတဲ့ recorder က အဲဒီကောင်လေးတွေကိုအလုပ်မလုပ်နိုင်ဘူး ။ အခုတင်ပေးမယ့် ကောင်လေးက အလုပ်လုပ်တယ်။ အဲဒါကြောင့်ပိုပြီးကောင်းတယ်လို့ပြောတာ။  အသုံးပြုပုံကလည်းလွယ်ပါတယ်။  အရင်ဆုံးပေးထားတဲ့ ဆော့ဝဲလ်လေးကို run လိုက်ပါ။  ဒီလိုပုံလေးပေါ်လာပါ့မယ်။

ကဲ အဲဒီကိုရောက်ပြီဆိုရင် အရင်ဆုံးဘာမှမလုပ်ပါနဲ့အုံး။ record လုပ်တဲ့အခါ အသံပါ တခါတည်းပါအောင် မိုက်ပုံစံလေးကို အရင်သွားပါ။ ကလစ်ပေးပြီးပြီဆိုရင်  Recrd Audio  မှာ အမှန်ခြစ်လေးပေးပါ။ပြီးရင် Ok ပေးပါ။ဒီလိုလေးပေါ့။

ရပြီဆိုရင် မိမိလိုချင်သောအပိုင်းကို ရွေးပြီး record လုပ်ဖို့ရာ စက်သွားပုံ လေးကို ကလစ်ပေးပါ။ ဒီလိုလေး ပေါ်လာပါ့မယ်။ 

အဲဒီမှာ Normal Region ကိုရွေးမယ်ဆိုရင် မိမိစိတ်ကြိုက် screen ကို ကာစာ ချပေးလို့ရပါတယ်။ အဲ Fixed Region ကိုရွေးမယ်ဆိုရင် လေးထောင့်သေးသေးပဲ ရပါ့မယ်။ Full Screen ကိုတော့အထူးပြောစရာမိုပါဘူး။ အကြီးချဲ့တဲ့ မည့် သည့် ဂိမ်း ၊ ဗွီဒီယိုမဆို အကုန်ပါ အောင် record လုပ်ပါတယ်။ 

setting ကို စိတ်ကြိုက်ပြင်ပြီးပြီဆိုရင် အပေါ်ဆုံးပုံမှာ ပါတဲ့ အနီရောင် အ၀ိုင်းလေးကို ကလစ်ပေးပါ။ စပြီး record လုပ်ပါပြီ။ စိတ်ကြိုက် record လုပ်ပြီးပြီဆိုရင် အပြာရောင် လေးထောင့်လေးကို ကလစ်ပေးပါ။ အဲဒီမှာ မိမိ save ချင်သောနေရာကိုရွေးပါ။ ပြီးရင်  save ကိုနှိပ်လိုက်ပါ။  ခဏစောင့်ပါ။ audio အသံပါ ပါမှာဖြစ်တဲ့အတွက် သူက အသံကို ပြောင်းဖို့ စောင့်ပေးရပါတယ်။ ခဏစောင့်ပေးပြီးရင် ပြီးပါပြီ ။ ဒီမှာတစ်ခု ပြောချင်တာက audio  ကို မသုံးဘူးဆိုရင် record လုပ်ပြီးသားက ချက်ချင်းပေါ်ပါတယ်။ 

အသုံးလိုမည့်သူများ အောက်မှာဒေါင်းပါ။  ဖိုင်ဆိုဒ်က 1MB တောင်မရှိပါဘူး။

Mediafire 

Minus

အဆင်ပြေကြပါစေ....

အားလုံးကိုလေးစားချက်....

ဗိုလ်ချုပ်အောင်ဆန်း ဗိုလ်သင်တန်းဆင်း မိန့်ခွန်း

အောက်ပါ မိန့်ခွန်းမှာ ဂျပန်ခေတ် ၁၉၄၄ -ခု မတ်လ ၁၃ ရက်နေ့ နံနက်အချိန်တွင် မင်္ဂလာဒုံ ဗိုလ်သင်တန်းကျောင်းဆင်း ပွဲ၌ ဗမာ့ကာကွယ်ရေးတပ်မတော် စစ်သေနာပတိနှင့် စစ်ဝန်ကြီး ဗိုလ်ချုပ်အောင်ဆန်း ပြောကြားသော မိန့်ခွန်းတရပ် ဖြစ်ကြောင်း။ သူကျဆုံးသွားခဲ့ရသော ဤဇူလိုင်လတွင် သူ့အား ပြန်ပြောင်းသတိရမိသည့်အားလျှော်စွာ သူ၏ ပြောင် မြောက်သော မိန့်ခွန်းကို ရှာဖွေဖော်ပြလိုက်ရခြင်းဖြစ်ကြောင်း။
(ဗိုလ်ဥတ္တမကျော်)
…………………………………………………………………….

ရဲဘော်တို့

ယနေ့ ရဲဘော်တို့ အစုအချို့ဟာ စစ်ဗိုလ်လောင်းကလေးများအဖြစ် ဘွဲ့အဆင့်အတန်းကို ခံယူကြရတော့မယ်။ ယနေ့ အထိ ရဲဘော်တို့ဟာ ကျောင်းသားများဖြစ်ပြီး တာဝန်ရယ်လို့ မိမိတို့အပေါ်မှာ မရှိကြသေးဘူး။
ယနေ့ကျောင်းကထွက်ပြီး ဗမာ့တပ်မတော်အသီသီး ဋ္ဌာနအသီးသီးမှာ ရာထူးအလုပ်ဝတ္တရားများရတာနဲ့ တပြိုင်နက် ရဲ ဘော်တို့ အသီးသီးမှာ ကိုယ့်တာဝန်နှင့် ကိုယ့်ဝတ္တရားနှင့် ဖြစ်သွားပြီ။ ဒီလို ကိုယ့်တာဝန် ကိုယ့်ဝတ္တရားနှင့် ဗမာနိုင်ငံ တော်နဲ့ ဗမာ့တပ်မတော်ရဲ့ အမှုကိုထမ်းကြတဲ့အခါ ရဲဘော်တို့ကို မှာသင့်မှာရာ အချက်တွေကို ငါတို့မှာကြားလိုတယ်။
ပထမဆုံး ရဲဘော်တို့ကိုမှာချင်တာက ငါတို့ အခု ဗမာနိုင်ငံဟာ ကိုယ့်မင်းကိုယ့်ချင်းနိုင်ငံ ဖြစ်တယ်။ ဒို့တပ်မတော်ဟာ တနိုင်ငံလုံးတမျိုးသားလုံးရဲ့ အကျိုးအတွက်ဖြစ်တယ်။ ဒါကြောင့် ဒီနိုင်ငံ ဒီအကျိုးကို ကာကွယ်ရမယ့် ဗမာ့တပ်မတော် ဟာလည်း ဗမာတနိုင်ငံလုံး တမျိုးသားလုံးအတွက် ဖြစ်တယ်ဆိုတာ နားလည်ရမယ်။
ဒီတပ်မတော်ဟာ လူတဦးတယောက်အတွက် တည်ထောင်ထားတာမဟုတ်။ တနိုင်ငံလုံး တမျိုးသားလုံးအတွက် ဖြစ် တယ်။ ဒီတပ်မတော်ဟာ တဖွဲ့တပါတီ လူတစုအတွက် တည်ထောင်ထား တာမဟုတ်။တနိုင်ငံလုံးတမျိုးသားလုံးအတွက် ဖြစ်တယ်။

တကယ့်သစ္စာဖြစ်ရမယ်

ဒီတပ်မတော်ဟာ ရှေးအင်္ဂလိပ် လက်ထက်ကလို ကြေးစားတပ် မဟုတ်။ နိုင်ငံနဲ့ အမျိုးကို ကာကွယ်စောင့်ရှောင့်ဖို့ နိုင်ငံ နှင့်အမျိုးကို မတင်ပေးဖို့ ဖြစ်တယ်။ ဒါကြောင့် ဒီတပ်မတော်ဟာ နိုင်ငံနဲ့အမျိုး၏ သစ္စာကို အမြဲစောင့်ရမယ်။ ရှေးတုန်း ကလို တခြားနိုင်ငံ တခြားအမျိုးကို သစ္စာစောင့်တာမဟုတ်။ အဲဒီလိုစောင့်တဲ့ သစ္စာဟာ ဝတ်ကြေတမ်းကြေစောင့်တဲ့ သစ္စာ ဖြစ်တယ်။ အခု ငါတို့ဟာ ငါတို့အမျိုး ငါတို့နိုင်ငံကို သစ္စာစောင့်ရမယ်။ ဒါကြောင့် ငါတို့စောင့်တဲ့သစ္စာဟာ တကယ့် သစ္စာဖြစ်ရမယ်။ အပေါ်ယံသာဖြစ်တဲ့ သစ္စာမဖြစ် ရဘူး။ ဘယ်လိုစောင့်ရမလဲ။ ယခုအခါ ရဲဘော်တို့ပေါ်မှာ နည်းလမ်းအ တိုင်း အဆင့်ဆင့်ခန့်အပ်ထားတဲ့ အကြီးအမှူးအားလုံးတွေဟာ ဒီနိုင်ငံ ဒီအမျိုးရဲ့ ကိုယ်စားတွေပဲ။ အဲဒီ ကိုယ်စား နိုင်ငံနဲ့ အကျိုးကို သစ္စာစောင့်ခြင်းဟာ ကိုယ့်နိုင်ငံနဲ့ ကိုယ့်အမျိုးကို သစ္စာစောင့်တာပဲ။ ဒီတော့ ရဲဘော်တို့ မေးစရာ စကားတခွန်း ရှိတယ်။ တကယ်လို့ ဒီအကြီး အမှူးတွေထဲက ဘယ်သူဖြစ်ဖြစ် ကိုယ်ကြိုးငဲ့ပြီး နိုင်ငံနဲ့ အမျိုးကိုသစ္စာမဲ့ပြီး လုပ်ရင် ဘယ့် နှယ့်လုပ်မလဲ။ ဒီလို ကိုယ်ကျိုးငဲ့ပြီး လူမျိုးရဲ့အကျိုးနဲ့ နိုင်ငံကို ဆန့်ကျင်တဲ့ အကြီးအမှုးတွေ ဟာ ကြာကြာ မနေနိုင်ပါဘူး။ အချိန်တန်တဲ့အခါ ပြုတ်ကျမှာပဲ။ ရာဇဝင်မှာ ကြည့်လို့ရှိရင် ဘယ်လောက် ကြီးတဲ့လူ ဖြစ်ဖြစ် မတရားလုပ်တဲ့အခါ ပြုတ် ကျတာချည်းပဲ။ ဒီလိုမတရားတဲ့ အကြီးအမှုးတွေ ရှိရင် ရဲဘော် တို့ရဲ့ အပေါ်မှာလည်း တည်တယ်။ ဥပမာ မတရားတဲ့ အ ကြီးအမှုးတယောက်က ဝတ္တရားနဲ့ မဆိုင်တဲ့ နိုင်ငံနှုင့် အများအကျိုးနဲ့ မပတ်သတ်တဲ့ အမိန်ကမျိုးပေးတဲ့အခါ အမိန့်ဟာ နည်းကျမကျ တရား မတရား နိုင်ငံနဲ့ အမျိုးမှာ အကျိုးရှိမရှိ ကြည့်ရမယ်။ အဲသလိုကြည့်တဲ့အခါ ကိုယ့်စိတ်ထဲမှာ မရှင်းရင် သူ့ထက်ကြီး တဲ့အကြီး အမှုး တယောက်ကို ဖြစ်ဖြစ် အခြားအကြီးအမှုးတယောက် ကိုဖြစ်ဖြစ် သွားမေးရမယ်။ ဒီအခါမှာ ရဲဘော်တို့ဟာ ဘယ်ဒင်း မှန်တယ် မှားတယ် သိနိုင်ရမယ်။

Photo Frame software

ဒီတစ်ခါတော့ ဓာတ်ပုံ ထည့်တဲ့ Photo Frame  ဆော့ဝဲလ်တင်ပေးလိုက်ပါတယ်။ Frame တော်တော်များများ လည်း ပါတယ်။  နှစ်ပုံတွဲ၊သုံးပုံတွလည်း ထည့်လို့ရပါတယ်။  အသုံးပြုပုံကလည်း လွယ်ပါတယ်။ အရင်ဆုံးပေးထားတဲ့ ဆော့ဝလ်လေးကို run လိုက်ပါ။ ကဲရပြီဆိုရင် အောက်ကလိုမျိုးလေ ပေါ်လာပါတယ်။

အဲဒီမှာ ညာဘက်ထိပ်က အစိမ်းရောင် folder ပုံလေးကို ကလစ်ပေးပြီး တော့ မိမိ ထည့်လိုသော photo ကိုရွေးပါ။ ပြီးရင် Frame ကိုရွေးပါ။ ကဲနမူနာပြမယ်နော်။ ဘာလို့လည်းဆိုတော့ တစ်ခုတည်းပါတဲ့ Frame ဆိုရင် ဒီတိုင်းထည့်လိုက်လို့ရတယ်။ သုံးလေးခု ပါတာဆိုရင် ထည့်ထည့် ချင်းမှာ လေးနေရာလုံးကို တစ်ပုံထဲဖြစ်နေပါတယ်။ အောက်မှာကြည့်နော်။ 

ပထမပုံရွေးတယ်၊ ပြီးတော့ Frame လေးခု ပါတာကိုရွေးလိုက်တယ်။

အဲလိုမျိုးဆိုရင် ဖယ်ချင်ပုံပေါ်ကို mouse pointer left click လေး ကိုနှစ်ချက်ကလစ်လိုက်ပါ။ ပြီးရင် ရွေးစရာထပ်ပေးပါတယ်။ မိမိစိတ်ကြိုက်ပုံလေးကို  Frame လေးတွေပေါ်ကို left click  နှစ်ချက်ရွေးပြီး ထည်ပါ။ ပြီးပြီဆိုရင် ညာဘက်ထောင့်က အ၀ါရောင် folder လေးကို ကလစ်ပေးပြီး save ပါ။ ပြီးပါပြီ။

အသုံးလိုမည့်သူများ ဒီမှာ ဒေါင်းပါ။ 

အားလုံးကိုလေးစားလျက်.....

Bad master and servant

ဒီတစ်ခါတော့ ဗွီဒီယို လေးတစ်ခု တင်ပေးလိုက်ပါတယ်။ ဒီဗွီဒီယိုလေးကို ကြည့်ပြီး တစ်ခုခု ကျန်ခဲ့မယ်လို့ ထင်ပါတယ်။ ခေါင်စဉ်က တော့ ကျွန်တော့် သဘောနဲ့ပေးထားတာပါ။ youtube မှာ လျှောက်ရှာရင်းနဲ့ တွေ့လို့။ နှစ်သက်မိလို့တင်လိုက်တာပါ။ သခင်ဘယ်လောက်ဆိုးဆိုး သခင့်အနားက ခွဲခွာ မသွားတဲ့ ဗျိုင်းကလေးပေါ့။

အားလုံးကိုလေးစားလျက်.......

ကွန်ပျူတာအချက်အလက်များကြည့်ရန်(CPU-Z)

ဒီတစ်ခါ မိမိကွန်ပျူတာက အချက်အလက်တွေကို ကြည့်နိုင်ဖို့ ဆော့ဝဲလ်လေးတစ်ခုတင်ပေးလိုက်ပါတယ်။ ဒီကောင်လေးသုံးလိုက်တာနဲ့ မိမိ processor က ဘာအမျိုးအစား၊ run က ဘယ်လောက် G ၊ ဘာအမျိုးအစား၊ VGA ဘယ်လောက် G  စတာတွေကို တစ်ပြိုင်နက် ကြည့်လို့ရတာပေါ့ဗျာ။ အသုံးဝင်ပါတယ်။

အသုံးလိုမည့်သူများ အောက်မှာဒေါင်းလိုက်ပါ။

To download >> Mediafire
 

အားလုံးကိုလေးစားလျက်.......

Desktop ပေါ်က icon လေးတွေ တုန်ခါနေအောင်

Desktop ပေါ်က Icon လေးတွေကို ထိလိုက်ရင် တုန်ခါနေအောင် ပြုလုပ်ပေးတဲ့ ဆော့ဝဲလေးပါ။ ဆန်းဆန်းလေး သုံးချင်တဲ့ သူငယ်ချင်းများအတွက် တင်ပေးလိုက်ပါတယ်။  ဖိုင်ဆိုဒ်က သေးသေးလေးပါ။

အသုံးလိုမည့်သူများ အောက်မှာ ဒေါင်းပါ။

To download >> Mediafire

အားလုံးကိုလေးစားလျက်....

စေတီတစ်ဆူ၏ အခေါ်အဝေါ်

ကျွန်တော်တို့ ဗုဒ္ဓဘာသာလူမျိုးများ ဖြစ်ပြီး စေတီမှာရှိတဲ့ အခေါ်အဝေါ်လေးတွေ သိသင့်တာပေါ့နော်။ မသိသေးသောသူများအတွက် တင်ပေးလိုက်ပါတယ်။

အားလုံးကိုလေးစားလျက်.....

ဇူလိုင် (၉) ရက်နေ့ Internet server များ shutdown ချမည်

၂၀၁၂ ဇူလိုင်လ (၉) ရက်နေ့ မှာ ကမ္ဘာတစ်လွှားက Internet Server များ ခေတ္တ Shutdown ချမည်ဖြစ်၍ ထိုနေ့တွင် အင်တာနက်အသုံးပြုမှု မရရှိနိုင်ပါ။

ဟက်ကာတွေရဲ့  DNSChanger malicious software (malware) ဖြင့် DNS (Domain Name System) များကို တိုက်ခိုက်မှုကြောင့် နိုင်ငံတကာမှာ ရှိကြတဲ့ အင်တာနက်သုံးစွဲသူ သန်းပေါင်းချီပြီ ထိခိုက်မှုတွေ ရှိနေတဲ့အတွက် အမေရိကန်နိုင်ငံ FBI ကနေ လာမယ့် ဇူလိုင်လ (၉) ရက်နေ့ မှာ ကမ္ဘာတစ်လွှားက အင်တာနက်သုံးစွဲမှုတွေကို ခေတ္တရပ်ဆိုင်းပြီး အဆိုပါ CNSChanger ပြဿနာကို ဖြေရှင်းမှာဖြစ်တယ်။

အင်တာနက်သုံးစွဲသူတွေအနေနဲ့  မိမိတို့ ရဲ့  ကွန်ပျူတာမှာ ဒီ DNSChanger malicious software (malware) တိုက်ခိုက်ခံထားရမှု ရှိ မရှိကို ဖေါ်ပြပါ အင်တာနက်စာမျက်နှာတွေမှာ ၀င်ရောက်စစ်ဆေးနိုင်ပါတယ်။

http://www.dns-ok.us/
http://www.dns-ok.ca/
http://www.dns-ok.gov.au/

မိမိ၏ ကွန်ပျူတာ DNSChanger malicious software (malware) တိုက်ခိုက်ခံထားရမှု ရှိပါက သက်ဆိုင်ရာ Internet Service Provider သို့ ဆက်သွယ်ပြီး အဆိုပါ Malware အား ဖယ်ရှားပေးရန် အကူအညီတောင်းပါ။

https://www.youtube.com/watch?feature=player_embedded&v=oNzNjxmuZF0

From: computer knowledge and sharing  

 

ချစ်သူကို ဘယ်လောက်ထိချစ်လဲ

လူတိုင်းကတော့ ကိုယ့်ချစ်သူကို မိုးလောက်ကြီး ချစ်တယ် ၊ ကမ္ဘာကြီးလောက်ချစ်တယ်လို့ စာဖွဲ့ကြတယ်။ အချစ်ဆိုတာ လူတိုင်း စာဖွဲ့လို့ရတဲ့ စကားလုံးတစ်ခုပဲ။ မိမိစိတ်ထဲက  ဖြစ်ပေါ်လာတဲ့ခံစားချက်အတိုင်း ပြောကြတယ်။ တစ်ချို့ ကပေးဆပ်ခြင်း ၊တစ်ချို့ ကရယူခြင်း ၊ ပေးဆပ်ခြင်း ရယူခြင်းမရှိတဲ့ ချစ်ခြင်း  အမျိုးမျိုးပေါ့နော်။ ဘာကြောင့်ချစ်တယ်ဆိုတာကို အကြောင်းပြချက်ပေးလို့လည်း ရသိလို မပေးလို့လည်း ရတယ်။ အဲ အကြောင်းပြချက်ပေးတဲ့ ချစ်ခြင်းကိုလည်း အချစ်စစ် မဟုတ်ဘူးလို့ပြောကြပြန်ရော။ မှားတယ်လို့လည်းပြောလို့မရနိုင်ပါဘူး။ ဟုတ်ပြီ ချစ်သူကို တကယ်ချစ်တယ်ဆိုရင်  အခုလတ်တလော  မကြည့်ပါနဲ့ ။ ရေရှည်ကို ကြည့်သင့်ပါတယ်။ တဒင်္ဂ  သာယာမှုလား၊ ဘ၀လက်တွဲ ဖော်အဖြစ် ရွေးချယ် နိုင်ပြီလား။ ချစ်သူတိုင်းက တော့ ကိုယ့်ချစ်သူနဲ့ ပေါင်းဖက်ချင်ကြတာပဲ။ တကယ်မချစ်ဘဲ နဲ့ ပေါင်းဖက်ကြပြီဆိုရင် ကွဲတာတို့ ၊ သဘောထားမတိုက်ဆိုင်တာတို့ ဖြစ်လာရောပဲ။ ဒီလိုအချိန်မှာ ချစ်တယ်ဆိုတာတွေက ဘယ်ရောက်သွားပြီလဲ ။ ကျွန်တော်ယူဆတာတော့ ချစ်တယ်ဆိုတာက နားလည်မှုရှိရမယ်၊ မာန်မာနတွေ ဘေးဖယ်ထားရမယ်၊ ခွင့်လွှတ်သည်းခံရမယ်၊ နူးညံသိမ့်မွေ့မှုရှိရမယ် စတဲ့ အရာတွေ ပေါင်းစပ်ထားတယ်လို့ ယူဆတယ်။ ချစ်ရင် သ၀န်တိုရတယ်တဲ့။ နေရာတကာလိုက်ပြီး သ၀န်တိုနေရင်ရော ချစ်သူက နေနိုင်မှာတဲ့လား။ ဘက်ပေါင်းစုံက ကြည့်သင့်တာပေါ့။ ဥပမာ-ချစ်သူမိန်းကလေးက ကောင်လေးသူငယ်ချင်းနဲ့ စကားပြောဆို၊ ဆိုင်တစ်ဆိုင်မှာအတူတူ ထိုင်ကြတယ်ဆိုပါစို့။ အဲဒါကို ကိုယ်က သ၀န်တိုတယ်ဆိုပြီး ၀ုန်းဒိုင်းသွားကျဲရင် ဘာဖြစ်မလဲ ။ အပြတ်အပြတ် နာခေါင်းသွေး ထွက်ကုန်မှာပေါ့။  ဒါကို ကိုယ်က နားလည်ပေးရမယ်။ သူဘက်ကနေ ကြည့်ပေးရမယ်။ ချိန်းထားတာရောက်မလာရင်တောင် သူတစ်ခုခု ဖြစ်လို့ရောက်မလာတာပဲ ဆိုပြီး ဖြည့်တွေးပေးသင့်ပါတယ်။  အရင်နေ့တွေက တင်ခဲ့ဖူးပါတယ်။ ချစ်သူအမျိုးမျိုး ဆိုတာကိုပေါ့။ အဲဒီမှာလည်း စဉ်းစားကြည့်နော်။ တကယ်မချစ်တဲ့ ချစ်သူတွေများတယ်။ ကိုယ်လိုချင်တာ တစ်ခုအတွက်နဲ့ ချစ်တာ။ တကယ်ပဲ အဲလူမျိုးချစ်သူတွေကို အချစ်ခုံရုံးရှိမယ်ဆိုရင် တင်လိုက်ချင်တယ်။ တစ်သက်တစ်ကျွန်းကျစေသားပေါ့။  ကဲ လိုရင်းကိုဆက်ပြောမယ်ဗျာ။ အပေါ်ကပြောခဲ့သလို တကယ် နည်းလည်ပေးနိုင်တယ်၊ သည်းခံနိုင်တယ်။ ဟုတ်ပြီ။ ဥပမာတစ်ခုပြောမယ်နော်- တစ်ခါက အရမ်းချစ်တဲ့ ချစ်သူစုံတွဲတစ်တွဲရှိတယ်။  တစ်နေ့မှာ မထင်မှတ်ဘဲ ကောင်မလေး က ဖျားနာပါလေရောဗျာ။ ပိုဆိုးတာက ကောင်မလေးမှာ နှလုံးရောဂါပါ ဖြစ်နေတာတဲ့။ လမ်းလည်းမလျောက်နိုင်တော့ဘူး ။ အိမ်ယာထဲမှာပဲ လဲနေရတဲ့အချိန်တွေရောက်လာခဲ့တယ်။  အဲဒီအချိန်မှာ ကောင်လေးစိတ်ထဲမှာ အလိုမကျတော့ဘူး။ ကောင်မလေးကိုလည်း ငြူငြူဆူဆူဖြစ်လာ တယ်။ အရင်လို ပျော်ရွှင်မှုတွေကို ကောင်မလေးက မပေးနိုင်တော့ဘူး။ နှစ်ယောက်တီတီတာတာပြောဖို့လည်း အချိန်မရှိတော့ဘူး။ ဒီကောင်မလေး ကို အချစ်ပေါ့လာတယ်။ ရောဂါသည်တစ်ယောက် ချစ်သူဖြစ်ရတယ်ဆိုတာကို ကောင်လေး မလိုချင်ဘူး။ အရင်တုန်ုးကတော့ သေတူရှင်မကွာ ၊ဘာမဆိုပေးဆပ်ပါ့မယ်ဆိုတာတွေကဘယ်ရောက်သွားပြီလဲ။ နောက်ဆုံးမှာ ကောင်လေးက ကောင်မလေး

ကို ထားသွားခဲ့တယ်။ စဉ်းစားကြည့်နော်။ အရင်တုန်းကတော့ ချစ်ပါတယ်တဲ့။ ရောဂါဖြစ်သွားတော့ မချစ်တော့ဘူးတဲ့။ တကယ်မှ မချစ်တာ ဘယ်လိုလုပ် ပြုစုပေးနိုင်မလဲ တစ်သက်လုံး။ သူငယ်ချင်းတို့လည်း စဉ်းစားနော် ။ ပေါ့ပေါ့တန်တန်တော့ မတွေးမိစေနဲ့ပေါ့ဗျာ။ တကယ်လို့ ကိုယ့်ချစ်သူသာ အဲလိုမျိုးဆိုရင်ရော၊ အနားမှာ တစ်သက်လုံးနေပေးနိုင်ပါ့မလား။ အဆိုးဆုံးအခြေအနေတစ်ခုကို ရောက်နေပြီဆိုရင်ရော စောင့်ရှောင့်ဖေးမနိုင်ပါ့လား။ ပါးစပ်နဲ့တော့ လူတိုင်းပြောတတ်တာပေါ့။ လေးလေးနက်နက်လေး တွေးစေချင်တယ်။ တကယ်ခံစားပြီး ချစ်ကြည့်လိုက်ပါ။ အဲလိုမျိုးအဆိုးဆုံး အခြေအနေတွေကို  လက်တွေလုပ်နိုင်ပြီဆိုမှ တကယ်ချစ်တယ်လို့  ပြောနိုင်ပါတယ်။ အဲလောက်ထိမှ တွေးမထားသေးဘူးဆိုရင်တော့ အချစ်ပေါ့တယ်လို့ ဆိုနိုင်တာပေါ့နော်။ အကောင်းဆုံး အခြေအတွေကို ကြည့်ပြီး တော့ မချစ်ပါနဲ့ ။ အဆိုးဆုံးအခြေအနေတွေကို ကြည့်ပြီးမှ ချစ်ပါ။ ဒါက ကျွန်တော်အမြင်ကို ရေးထားတာပါ။ မှားတာရှိ ၀န်တာမိ တောင်းပန်အပ်ပါသည်။  

ချစ်သူတိုင်း ပေါင်းဖက်နိုင်ကြပါစေ........

အားလုံးကိုလေးစားလျက်......

ကွန်ပျူတာ ဗိုင်းရပ်စ် ရှိ ၊မရှိ စစ်ရန်

• Tools Menu က Folder Options ပျောက်နေ ပါသလား။
• Command Prompt, Registry, Task Manager ကိုဝင်တိုင်း ကွန်ပျူတာ Restart ကျသွားပါသလား။
• Administrator Account ဖြစ်ရဲ့ သားနဲ့
Registry Editor, Task Manager ဖွင့်မရ ဖြစ်နေပါသလား။
• Hidden Files, Hidden System Files တွေကို ဖော်မရ ဖြစ်နေပါသလား။
• Folder တွေကို Double Click နှိပ်လိုက်တိုင်း My Documents Folder ပဲ ပေါ်နေသလား၊ ဒါမှမဟုတ် Folder လည်း မပွင့် ဘာမျှလည်း တက်မလာ ဖြစ်နေပါသလား။
• Memory Stick ရဲ့ Drive ပေါ်မှာ Right Click နှိပ်လိုက်ရင် Open က ထိပ်ဆုံး ရောက်နေမယ့် အစား Autoplay က ထိပ်ဆုံး ရောက်နေပါသလား။
• Drive တွေ၊ Memory Stick တွေကို double Click နှိပ်လိုက်တိုင်း Open With Box ပဲ ပေါ် နေပါသလား။
• Memory Stick ထဲက Folder တွေပေါ်မှာ Right Click နှိပ်ပြီး Properties ကိုရွေးရင် Type မှာ File Folder လို့ ပေါ်မယ့်အစား Application လို့ ပေါ်နေပါသလား။
• My Folder ဆိုတဲ့ Folder အောက်မှာ My Folder.exe ကို တွေ့  နေရပါသလား။ (ဆိုလိုသည်မှာ Folder ၏ နာမည်နှင့် တူသော exe ၀င်ရောက် နေပါသလား။)
• Task Manager ကို ဖွင့်ပါ။ (Ctrl + Alt + Del) Flashy, Fun, New Folder စတဲ့ Process တွေ Run နေသလား ကြည့်ပါ။ ( Run နေတယ် ဆိုရင် ဘယ် Memory Stick မှ မတတ်ပါနှင့်။ Virus ချက်ချင်း ကူးဆက် ခံရနိုင်ပါတယ်။ Stick ကို Format ချလည်း အပိုပါပဲ။ ကိုယ်ကို Format ချပြီးတာနဲ့ Virus ကပြန်ဝင်နိုင်ပါတယ်။ )
အထက်ပါ အချက်တွေထဲက တစ်ခုခု ကွန်ပျူတာမှာ ဖြစ်နေပြီဆိုရင် သေချာသလောက်နီးပါး Virus သို့မဟုတ် trojan သို့မဟုတ် spyware တစ်ခုခု စက်ထဲမှာရှိနေပြီလို့ ယူဆနိုင်ပါတယ်။ အခြား စစ်ဆေးနည်းတွေလည်း အများကြီးရှိပါသေးတယ်။

ရန်ငြိုးဖျောက်နည်း

ပုထုဇဉ်သဘာဝအမျက်ဒေါသ မကင်းနိုင်ကြပါပေ။ အမျက်ဒေါသဖြစ်သည့်ပုဂ္ဂိုလ်သည် မနှစ်သက်ဖွယ်အာရုံနှင့်တွေ့ကြုံလာသည့်အခါကိုယ်ရောစိတ်ပါ ကြမ်းတမ်းလာလျက် မိမ်ိကိုယ်စိတ်နှစ်ပါးကို နှိပ်စက်ဖျက်ဆီးတတ်၏။ အမျက်ဒေါသဖြစ်သူ၏ အနီးအပါးသို့အပူဓာတ်ကူး စက်လောင်ကျွမ်းစေ တတ်သောကြောင့်တော မီးနှင့်တူ၏။ အမျက်ဒေါသဖြစ်ရာပုဂ္ဂိုလ် သည် သူတစ်ပါးအားပြစ်မှား တတ်သောကြောင့် မိမိမှီရာပုဂ္ဂိုလ်အား နှိပ်စက်ရန်အခွင့်အရေးရသော ရန်သူကြီးနှင့်တူ၏။ အမျက်ဒေါသဟူသည် အလုံးစုံသောအကျိုးမဲ့ဟူသမျှ တို့စုပုံရာတရားကြီးဖြစ်သောကြောင့် အဆိပ်နှင့်ရောနှောလျက်ရှိသော သေရည်အိုးကြီးနှင့်တူ၏။

အမျက်ဒေါသဖြစ်ကြောင်းကား

၁။ပင်ကိုပဋိသန္ဓေကနေဒေါသဓာတ်ခံပါလာခြင်းကြောင့်ဖြစ်၏။
၂။အလွယ်ဖြင့် စိတ်ကောက်တတ်ခြင်း၊ ၀မ်းနည်းတတ်ခြင်းစသော သဘောထားသေးသိမ်ခြင်းကြောင့်ဖြစ်၏။
၃။အကြားအမြင်ဗဟုသုတနည်းပါး၍ဆင်ခြင်တတ်သော  ဥာဏ်ပညာမရှိခြင်းကြောင့်ဖြစ်၏။
၎။အလိုမရှိအပ်သောအာရုံနှင့်တွေ့ကြုံရခြင်း ရန်ငြ်ိုးဖွဲ့ခြင်းအကြောင်းတို့ကြောင့်လည်းဖြစ်၏။

အားနည်းသော အမျက်ကိုဒေါသ ၊ရန်ငြိုးဖွဲ့တတ်သောဒေါသကို  အာဃာတ၊ ရှေးအဖို့၌ဖြစ်သော
တစ်ကြိမ်ကြိမ်ဖြစ်သောအမျက် ကို ကောဓ၊ နောက်အဖို့၌ဖြစ်သော တစ်ကြိမ်ထက်အလွန် ထပ်၍ ထပ်၍ဖြစ်သော ရန်ငြိုးဖွဲ့သောအမျက်ကိုဥပနာဟ ဟုဒေါသစေတသိက်တစ်ခုကိုပင်ခွဲ၍ထားတတ်၏။

သာမညအမျက်ဒေါသသည်တုတ်နှင့်ခတ်မိ၍ ရှူးခနဲထလာတတ်သောမြွေပွေး ၊မြွေဟောက်တို့နှင့်တူ၏။ ကောက်ရိုးမီးပမာပင်။ ရန်ငြိုးဖွဲ့ခြင်းသည်ကား စိတ်ဆိုးရုံတွင်မရပ် အာရုံကို အကြောင်းပြု၍ အကြောင်းညီညွတ်လျှင် ချေပမည်ဟုစိတ်၌စွဲမှတ်ရန်ငြိုး ဖွဲ့၏။
ရန်ငြိုးဖွဲ့ခြင်းကား မိမိရန်ငြိုးဖွဲ့အပ်သော ပုဂ္ဂိုလ်သတ္တ၀ါအပေါ်အမျက်ဒေါသ ဖြစ်၍ မပြီးနိုင် မငြိမ်းနိုင် မပြေပျောက်နိုင်လောက်အောင်ပင် စိတ်ကိုရစ်ပတ်ဖွဲ့နှောင်ကာသံသရာအဆက်ဆက် ပါသွားလျက်ဆိုးကျိုးများခံစားကြရ၏။အထူးကြောက်မက်ဖွယ်ရာပင်။

ဝိသုဒ္ဒိမဂ်မေတ္တာဘာဝနာဂါထာတွင် မေတ္တာဈာန်ဝင်၊ ဆင်ခြင်အပြည့်၊ ရှုလစ်အကျင့်ကောင်း၊ တစ်ကြောင်းကရုဏာ၊ သြ၀ါဒငါးမျိုး၊ ဖန်ပျိုးကမ္မဥာဏ်၊ သည်းခံဇာတ်တော်၊ မတော်မရှိ၊ မျှော်ကြည့်မေတ္တာကျိုး၊ တစ်မျိုးဓာတ်ခွဲ၊ ပေးယူမြဲ မှတ်စွဲရန်ငြိုးဖျောက်ဖျက်ကြောင်းတည်းဟု ရန်ငြိုးဖျောက်နည်း(၁၁)နည်းပြဆိုထားပေသည်။
၁။မေတ္တာဈာန်ဖြစ်နေကျပုဂ္ဂိုလ်သည်မေတ္တာဈာန်ဝင်စားပြီးထိုဈာန်မှထပြီးလျှင်မိမိရန်သူအပေါ်မေတ္တာပွား
ကာရန်ငြိုးကိုဖျောက်အပ်၏။
၂။ထိုသို့ရန်ငြိုးမငြိမ်းလျှင် ချစ်သားတို့လွှကြီးဖြင့်  ခိုးသူတို့သည်အင်္ဂါကြီး ငယ်တို့ကိုလာရောက်ဖြတ်စေကာမူ အမျက်ထွက်မိခဲ့လျှင်ငါဘုရားအဆုံးအမ လိုက်နာသည်မမည်။ ကိုယ့်အားအမျက်ထွက် သူကိုပြန်စိတ်ဆိုးသူမှာ ထိုသူအောက် ယုတ်ညံ့သူသာဖြစ်သည်။ စိတ်ဆိုးသူကိုပြန်စိတ်မဆိုးသူမှာအောင်နိုင်ခဲသော စစ်ပွဲကို အောင်နိုင်သူဖြစ်တော့သည်။ သူတစ်ပါးစိတ်ဆိုးသည်ကိုသိလျက် သည်းခံပြေငြိမ်းသူသည်မိမိသူတစ်ပါးနှစ်ဦးသားလုံး၏ အကျိုးကိုကျင့်သူပင်။ ချစ်သားတို့ အမျက်ကြီးသူသည်အဆင်းမလှ ဆင်းရဲတွေ့ရ၏။ ဥစ္စာ အသုံးအဆောင် အကျော်အစော မဲ့၏။ မိတ်ဆွေမရှိ။ အပါယ်လားရ၏။ စသည့်ဟောကြားအပ်သော ဒေါသအပြစ်တို့ကို ဆင်ခြင်၍ရန်ငြိုးဖျောက်ရ၏။
၃။ထိုသို့ရန်ငြိုးမဖျောက်သေးလျှင် ရန်သူ၏ကိုယ် နှုတ် စိတ်သုံးပါးတို့တွင် သိမ်မွေ့သောကိုယ်အမူအရာကိုဖြစ်စေ အပြောချိုသောနှုတ်အမူအရာကိုဖြုစ်စေအကျိုးမဲ့မကြံစည်သော စိတ်အမူအရာကိုဖြစ်စေ အကျင့်ကောင်းတစ်မျိုးမျိုးကိုအောက်မေ့ပြီး ရန်ငြိုးဖျောက်အပ်၏။
၎။ကြည်ညိုဖို့ တစ်စုံတစ်ခုမျှ မရှိခဲ့လျှင်ထိုသူကားယခုမျက်မှောက်ဘ၀သာ လှည့်လည်သွားလာကာနေရသော်လည်း နှစ်ရက် သုံးရက်သို့ရောက်က အသက်ကုန်ပျောက်လျှင် ငရဲသို့ လားရာရောက်ရမည်တကားဟုသနားကြင်နာ ကရုဏာဖြင့်ဖျောက်အပ်၏။
၅။ထိုသို့မပျောက်သေးမူရန်သူသည်ကိုယ်ကိုသာဒုက္ခပေး၏။စိတ်ကိုမပေးနိုင်။ ငါသာကိုယ့်စိတ်ကို ဖျက်ဆီးအပ်၏။ ရန်သူသည်ယုတ်မာသောအမှုကို ငါ့အား ပြုလာ၏။ သင်ကအမျက်ထွက်လာပြန်သော် ထိုအမှုမျိုးကိုပင် သတိပြုခြင်းငှာ အလိုရှိလာပြန်သလော။ငါစိတ်ဆိုး စေရန်ရန်သူကပြု၏။ ငါကစိတ်ဆိုးပြန်လျှင်ရန်သူအလိုပြည့်ရာသည်မဟုတ်လော။ မီးခတ်နှင့်ကျောက်နှစ်ခုကြောင့် မီးဖြစ်လောင်ကာမီးခတ်ကိုအပြစ်မဆိုသင့်သည်မဟုတ်လော။ စသည့်ဘုရားရှင်၏အဆုံးအမ သြ၀ါဒအမျိုးမျိုးကို ဆင်ခြင်ကာ မိမိကိုယ်ကို ဆုံးမလျက် ရန်ငြိုးပျောက်အပ်၏။
၆။ထိုသို့မှမငြိမ်းသေးလျှင်သူသူငါငါသတ္တ၀ါတို့သည် ကံသာ ကိုယ်ပိုင်ဥစ္စာရှိကုန်၏။ ရန်ငြိုးဖွဲ့သူသည် လက်နှစ်ဖက်ဖြင့် မီးကျီး မစင်ကိုကိုင်ပြီးသူတစ်ပါး ကိုပုတ်ခတ်လိုသောသူကဲ့သို့ မိမ်ိကိုသာ ရှေးဦးစွာပူလောင်ခြင်း အနံ့မကောင်းခြင်းကိုပြုသည်မည်၏။ စသည့်ကံသာ ကိုယ်ပိုင်ဥစ္စာရှိသည်၏အဖြစ်ကမ္မဿတဥာဏ်ဖြင့်လည်းရန်ငြိုးဖျောက်အပ်၏။
၇။ထိုသို့မှမငြိမ်းနိုင်သေးလျှင် သုဿာန်တွင်လည်ပင်းအထိ အရှင်လတ်လတ်အမြှုပ်ခံရသည့်တိုင် အမျက်မထွက်သော အလောင်းတော်သီလ၀ဇာတ် ။လက်ခြေတို့ကိုဖြတ်သော်လည်း အမျက်မထွက်သော ခန္တီဝါဒီဇာတ် ။စူဓမ္မပါလဇာတ်၊ မြားဖြင့်ချက်မှပစ်ဖောက်သောမုဆိုးကိုသော်လည်းအမျက်ထွက်တော်မမူ၊
အစွယ်ဖြတ်လှူသော ဆဒ္ဒန်ဇာတ်။ ချောက်ထဲမှဆယ်ယူခဲ့သော ယောက်ျားကဦးခေါင်းကိုကျောက်ခဲဖြင့်
ထုသော်လည်း အမျက်ထွက်တော်မမူသော မဟာကပိဇာတ်၊ နှိပ်စက်ညှဉ်း ဆဲကြသော မြွေအလမ္ပာယ်သမားစသည်တို့ကို အမျက်ထွက်တော်မမူသောဘူရိဒတ်ဇာတ်ဓမ္မေယျဇာတ်၊ သင်္ခပါလဇာတ် စသောဇာတ်တော်လာ သည်းခံပုံနည်းများဖြင့်လည်း ရန်ငြိုးဖျောက်အပ်၏။
၈။ထိုသို့မှမငြိမ်းသေးလျှင် အနုမတဂ္ဂိယဒေသနာ တွင်ဟောကြားတော်မူသည့်အတိုင်း သံသရာတွင်အမိအဖစသည့်ဖြစ်စဉ် င့ါကိုကျေးဇူးဥပကာရ အထူးပြုဖူးပေပြီ စသည့်ဖြင့်ဆင်ခြင်ပြီးလည်းရန်ငြိုးကိုဖျောက်အပ်၏။
၉။ထိုသို့မှမငြိမ်းသေး လျှင်မေတ္တာပွားသူသည်
ချမ်းသာစွာအိပ်ရ၏ချမ်းသာစွာ နိုးရ၏။
အိပ်မက်ဆိုးမမြင်မက်။
လူတို့ချစ်ခင်၏။ 
နတ်ဘီလူးတို့ချစ်ခင်၏။
နတ်များစောင့်ရှောက်၏။
 မီးအဆိပ်လက်နက် မလောင် မ၀င် မစူး သမာဓိရလွယ်၏။
မျက်နှာကြည်လင်၏။ 
မတွေမဝေသေရ၏။ 
မဂ် ဖိုလ် မရသေးလျှင် ဗြဟ္မာပြည်လားရ၏။
အမျက်ထွက်ရန်ငြိုးဖွဲ့လျှင်မေတ္တာအကျိုး၁၁မျိုးတို့မှဆုတ်ယုတ်လိမ့်မည်ဟုဆင်ခြင်ပြီးလည်းရန်ငြိုးကို
ဖျောက်အပ်၏။
၁၀။ထိုသို့မှရန်ငြိုးမငြိမ်းသေးလျှင် ရန်သူကိုအမျက်မ ထွက်သောသင်သည်အဘယ်တရားကို အမျက်ထွက်သနည်း။ ဆံပင်ကိုလော ပထ၀ီစသောဓာတ်ကိုလော လက်ခြေအဂါင်္စသောရုပ်အစုကိုလော စသည်ဖြင့်ဓာတ်ခွဲပြီးရန်ငြိုးကိုဖျောက်အပ်၏။
၁၁။ထိုသို့ဓာတ်မခွဲတတ်လျှင်မိမိတွင်ရှိသော ပစ္စည်းကိုထိုရန်သူအားပေးအပ်၏။ ထိုရန်သူ၏ပစ္စည်းကို အလှူခံပြီးယူအပ်၏။ ထိုသို့ပေးသူကဘ၀ အဆက်ဆက်ကပါလာသော ရန်ငြိုးသော်လည်း နှစ်ဦးနှစ်ဝ ပြေပျောက်ကြ၏။ ထိုနည်းဖြင့်လည်ရန်ငြိုးဖျောက်အပ်၏။ ထိုဆိုခဲ့ပြီးသော၁၁နည်းတို့ဖြင့် မိမ်ိတို့၏မငြိမ်းမစဲနိုင်သော ရန်ငြိုးတို့ကို သံသရာတစ်လျှောက်လုံးကောက်ကောက် မပါစေရန်ကြိုးစား ပွားများဖြေဖျောက်နိုင်ကြပါစေသတည်း။

အရှင်ဥာဏ၀ရ(သာပေါင်း)

ချစ်သူအမျိုးအစားများ

လူတစ်ယောက်အတွက် အချစ်ဆိုတာ ၇ကြိမ်ဖူးပွင့်နိုင်တယ်လို့ အနောက် တိုင်းပညာရှင်တွေက ဆိုဖူးတယ်။ တချို့ကလည်း လူတစ်ယောက်ဟာ အချစ်နဲ့ပတ်သတ်ပြီး အသက်အရွယ်အလိုက် သုံးကြိမ်သုံးမျိုး ဖူးပွင့်နိုင် တယ်လို့ ဆိုတယ်။ဘယ်လိုပဲဆိုပါစေလေ...။ မိမိအချစ်နဲ့မိမိချစ်သူတို့ဟာ ဘယ်လိုချစ်သူအမျိုးအစားဖြစ်သလည်းဆိုတာတော့ သိချင်ကြမှာ အမှန်ပါပဲ။မိမိချစ်သူဟာ အမှန်တကယ် မျက်စိမှိတ်ရွေးချယ်ယုံကြည်သင့်တဲ့ချစ်သူလား  ၊ရှောင်ရှားသင့်တဲ့ ချစ်သူလားဆိုတာ အောက်မှာဖော်ပြ ထားတဲ့ ချစ်သူအမျိုးအစားလေးတွေကိုကြည့်ပြီး မိမိတို့ရဲ့ချစ်သူပုံစံနဲ့ အီကွေးရှင်းချကြည့်ပါစို့ . . .။


ကဗျာဆန်သူ

သူကတော့ အချစ်နဲ့ပတ်သတ်ရင် ကဗျာဆန်သူတစ်ယောက်ပါ။စိတ်ကူးယဉ်ဆန်သူပေ့ါ။ချစ်သူနဲ့ တူနှစ်ကိုယ် တဲအိုပျက်မှာဆိုလည်း နေမယ်ဆိုတဲ့ အမျိုးအစား၊ချစ်သူနဲ့ ခယောင်းလမ်းကို ဖယောင်းလမ်းသဖွယ် နင်းလျှောက်ဖို့ စာစီနေတဲ့သူပေ့ါ။ အပေးသမား သင့်ချစ်သူနဲ့ပတ်သတ်လာရင် သင်ဟာ တစ်ကိုယ်ကောင်းစိတ်ကင်းမဲ့တဲ့သူတစ်ယောက်ဖြစ်ပြီး အမြဲလိုလို ချစ်သူအတွက် ပေးဆပ် ချင်တဲ့စိတ်ရှိသူဖြစ်ပါတယ်။ကိုယ်ဘက်က ရတာထက်ပိုပြီးပေးဆပ်ချင်တဲ့စိတ်ရှိနေတဲ့သူဖြစ်ပါတယ်။

ပိုင်ဆိုင်လိုသူ

ဒီချစ်သူမျိုးတွေဟာ အချစ်နဲ့ပတ်သတ်လာရင် အချစ်ဟာ ပိုင်ဆိုင်ခြင်းလို့ ယူဆထားတဲ့သူတွေပါ။ အချစ်နဲ့ပတ်သတ်ပြီး ဆုံးရှုံးသွားမှာ ကို အရမ်းကြောက်ရွံတတ်ကြတယ်။ မနာလိုစိတ် ကြီးမားကြတယ်။ အချစ်ရှိရင် ကျန်တာမလိုတော့ဘူးဆိုတဲ့ ချစ်သူအမျိုးအစားတွေပဲ ဖြစ်ပါတယ်။

သူငယ်ချင်းချစ်သူ

အစတုန်းကတော့ သင်နဲ့သင်ချစ်သူတွေဟာ သူငယ်ချင်းတွေ၊နောက်တော့မှ သူငယ်ချင်းဆိုတဲ့ အဖြူရောင်စည်းဝိုင်း ထဲကထွက်ပြီး ချစ်သူဆိုတဲ့ပန်းနရောင်စည်းဝိုင်းထဲ မသိမသာကျော်ဝင်လိုက်တယ်။ အနေအထားက ငြိမ်ပေမယ့် သံယောဇဉ်ကတော့ ခိုင်တယ်၊မြဲတယ်။

မြာချစ်သူ

ဒီလိုလူမျိုးဟာ မိန်းမတစ်ယောက်ကို ကစားစရာပစ္စည်းတစ်ခုလိုပဲ သတ်မှတ်ထားပါတယ်။ အချစ်ရေးမှာ အရည်အသွေးထက် အရေအတွက်ကို ဦးစားပေးတဲ့သူတွေပဲ ဖြစ်တယ်။ မိန်းမတစ်ယောက်ကို ရေရှည်ချစ်ရတာဟာ သူတို့အဖို့ အရမ်းပျင်းစရာကောင်းတဲ့အလုပ် တစ်ခုပါ။ အပြောင်းအလဲမြန်တဲ့ချစ်သူတွေပါ။ ဒီလိုစိတ်ဓာတ်ရှိသူချစ်သူများအနေနဲ့ အိမ်ထောင်ကျသွား လျှင် မိမိအိမ်ထောင်ရေးအတွင်းမှာ ပျော်စရာဖန်တီးဖို့ အကြံပြုချင်ပါတယ်။ ဒီအသည်းခွဲချစ်သူ အမျိုးအစားထဲကမှ နောက်ထပ်တစ်မျိုးထပ်ခွဲ သွားပြန်ပါသေးတယ်။ တချို့အသည်း ခွဲတမ်းကစားတဲ့ ကစားသမား များကျတော့ အသည်းတင်မက အသွေးအသားကိုပါမျိုချင်လို့ မာယာကျော့ကွင်းထောင်ပြီး ကစားတတ်ကြတာလည်း ရှိတယ်။ မိန်းမတစ်ယောက်ရဲ့ ယုံကြည်မှုကို ရအောင်ယူမယ်။သူရဲ့အချစ်ကို ရအောင် ဖန်မယ်။ပြီးရင် သူနဲ့တူနှစ်ကိုယ်နှီးနှောခွင့်ရပြီးသွားလို့ကတော့ ပစ်ခွာသွားတတ်တဲ့ ချစ်သူများပဲ ဖြစ်ပါတယ်။ ဒီလိုချစ်သူတွေဟာ လိုတာမရခင်အချိန်မှာပဲ မိမိစိတ်အလိုကျဖြစ်စေရမယ့်ဆိုတဲ့ပုံစံနဲ့နေထိုင်တတ်လေ့ရှိပြီး လိုတာ ရရှိသွားတဲ့အချိန်မှာတော့ မူလဇာတိရုပ်ဟာ ဘွားကနဲပေါ်လာတတ်ပါတယ်။ ချစ်ချင်ယောင်ဆောင်တတ်တဲ့ချစ်သူတွေပဲ ဖြစ်တယ်။
အဲဒီ့အသွေးအသားမျိုချင်တဲ့ချစ်သူတွေထဲမှာ တစ်ချို့က အ၀တ်အစား၊ငွေကြေး၊လက်ဆောင်စသည်တို့နဲ့ မျှားပြီး မာယာခင်းတတ် ကြပါတယ်။ မိမိကြိုက်နှစ်သတ်ရာလက်ဆောင်ပစ္စည်းအမြောက်အများပေးပြီး မိမိနဲ့အတူအိပ်စက်ခွင့်ရအောင် ဆောင်ကြဉ်းတတ်ကြတဲ့ချစ်သူ တွေပါ။

ခဲမှန်ဖူးသောချစ်သူဟောင်း

တချို့ချစ်သူတွေကတော့ အရင်ချစ်သူနဲ့ ကံမကောင်းခဲ့တာတွေရှိတယ်။ဥပမာ အရင်ချစ်သူက သစ္စာဖောက်သွားတာတို့စသဖြင့်ပေ့ါ။ ဒီလို နောက်ကျောဓားနဲ့ထိုးခံ လိုက်ရတဲ့ချစ်သူတွေဟာ နောက်ထပ်ချစ်သူတစ်ယောက်ရလာခဲ့ရင်လည်း မိမိချစ်သူကို သံသယမျက်စိ့နဲ့ကြည့်တတ်၊ မြင်တတ်၊စောင့်ကြည့်တတ်ပါတယ်။ပိုင်ဆိုင်လိုစိတ်ကြီးပြီးရန်မူလိုစိတ်လည်း ကြီးတတ်ပါတယ်။

သချာင်္ချစ်သူ

သချာင်္ချစ်သူတွေဟာ မိမိအတွက် အဆင်ပြေစေနိုင်မယ့် ချစ်သူမျိုးကို တွက်ချက်ပြီး ရှာတတ်တဲ့သူတွေပါ။မိမိရဲ့လိုအပ်ချက်၊လိုအင် ဆန္ခအားလုံးတို့နဲ့လိုက်လျှောညီထွေဖြစ်မယ့်သူမျိုးကို လိုက်ရှာပြီး ချစ်တတ်တဲ့သူတွေလို့ ဆိုနိုင်ပါတယ်။သူတို့ဟာ ပုဂိုလ်ရေးဆိုင်ရာအရည်အသွေး ထက် မိမိအလိုဆနဖြည့်ပေးနိုင်စွမ်းရှိမရှိကိုပဲ ကြည့်ပြီး ချစ်တတ်ကြတဲ့သူတွေပါ။သူတို့တွေအတွက် “ဒီလူ ၀င်ငွေကောင်းနိုင်ပါ့မလား”၊“ဒီမိန်းမ ထမင်းဟင်းရော ချက်တတ်ပါ့မလား”၊ဆိုတဲ့အမြင်တွေနဲ့ တိုင်းတာစစ်ဆေးပြီးမှ ချစ်တတ်ကြတဲ့ချစ်သူအမျိုးအစားတွေပါ။

သူငယ်ချင်းတစ်ယောက်ပေးပို့ပါသည်.....

သူငယ်ချင်းတို့လည်း ကောင်းသောချစ်သူနဲ့ တွေ့ဆုံကြပြီး၊ ဆိုးသော ချစ်သူများဘေးမှ ရှောင်ရှားနိုင်ကြပါစေ........ 

အားလုံးကိုလေးစားလျက်......

 

ရည်းစားစာ ရေးရန်

ဘာရယ် မဟုတ်ပါဘူး။  စာရွက်အလှ ပုံလေးတွေပါ။  အပြင်မှာပဲ စာရွက်လှလေးတွေနဲ့ ရေးတာ ငြီးငွေ့ နေမှာစိုးလို့။  စုထားတဲ့  စာရွက်အလှလေးတွေကို တင်ပေးလိုက်တာပါ။ ဥပမာ- ချစ်သူဖြစ်ဖြစ် ၊သူငယ်ချင်းဖြစ်ဖြစ် တစ်ယောက်ယောက်ဆီ စာရေးတယ်ပဲထားပေါ့ ။ အလွယ်ကူဆုံး Paint လေးနဲ့ ဒီကောင်လေးတွေပေါ်မှာရေးရင် ပိုပြီး ကဗျာဆန်တာပေ့ါဗျာ။ Photoshop နဲ့ဆိုရင်ကတော့ ပိုကောင်းတာပေါ့။ ထည့်ချင်တာပါ ထည့်လို့ရတယ်။ အဟဲ နမူနာတစ်ခုပြမယ်နော်....။

ကဲအဲလိုလေးပေါ့နော်။ စာလုံးလေးတွေကိုအလှပုံဖော်နိုင်လေ ပိုပြီးကြည့်ကောင်းလေပေါ့ဗျာ။

လိုချင်တဲ့သူများ အောက်မှာဒေါင်းသွားလိုက်ဗျာ။ ရှိတာအကုန်ပဲ။